စစ်တပ်အတွက် ကျပ်ဘီလီယံ ၃၇၀၀ ကျော် သုံးစွဲမယ့် စစ်အုပ်စုရဲ့ဘတ်ဂျက်

အာဏာသိမ်းစစ်ကောင်စီ စိတ်ကြိုက်ရေးဆွဲထားတဲ့ ဒီနှစ် ၂၀၂၂ − ၂၀၂၃ ခုနှစ်ဘတ်ဂျက်မှာ စစ်တပ်အတွက် ကျပ်ဘီလီယံ ၃၇၀၀ ကျော် သုံးစွဲမှာဖြစ်ပါတယ်။

ဒီဘတ်ဂျက်ကို အာဏာသိမ်းစစ်ခေါင်းဆောင်ကိုယ်တိုင် လက်မှတ်ထိုးပြီး မတ်လ ၂၉ ရက်က အတည်ပြုလိုက်တာပါ။

စစ်တပ်အတွက် အသုံးစရိတ်ဟာ ထုံးစံအတိုင်း တိုင်းပြည်အတွက် အရေးကြီးတဲ့ ပညာရေးနဲ့ ကျန်းမာရေးကဏ္ဍ နှစ်ခုမှာ သုံးစွဲမယ့် ငွေပမာထက် များပြားတာကိုတွေ့ရပါတယ်။

ပညာရေးအတွက် စစ်ကောင်စီဟာ ကျပ်ဘီလီယံ ၂၁၀၀ ကျော် သုံးစွဲမယ်လို့ ထည့်ဆွဲထားသလို ကျန်းမာရေးအတွက် ကျပ်သန်း ၈ သိန်း ၆ သောင်းကျော်သုံးစွဲမယ်လို့ ထည့်ဆွဲထားပါတယ်။

Public Service Announcement

ဒါကြောင့် ပညာရေး နဲ့ကျန်းမာရေး ကဏ္ဍ တွေမှာ သုံးစွဲမယ့် ငွေကြေးဟာ ကျပ်ဘီလီယံ ၃၀၀၀ ကျော်သာ ရှိပါတယ်။

ပညာရေးနဲ့ ကျန်းမာရေးအသုံးစရိတ် လျော့နည်းတဲ့မြန်မာနိုင်ငံမှာ စစ်တပ်ရဲ့အသုံးစရိတ် ဟာ နှစ်စဉ် မြင့်တက်နေဆဲဖြစ်ပါတယ်။

စစ်အာဏာမသိမ်းခင်က NLD အစိုးရ နောက်ဆုံးရေးဆွဲခဲ့တဲ့ ၂၀၂၀ − ၂၁ ဘတ်ဂျက်မှာဆိုရင် စစ်တပ်အသုံးစရိတ်ဟာ ကျပ်ဘီလီယံ ၃၄၀၀ ကျော်ရှိခဲ့ပါတယ်။

ဘတ်ဂျက်ကို စိစစ်ဖြတ်တောက်တဲ့ လွှတ်တော်မရှိတဲ့ အာဏာသိမ်းကာလ မှာတော့ စစ်အုပ်စုဟာ ဘတ်ဂျက်ကို စိတ်ကြိုက်ရေးဆွဲခွင့်ရနေတာပါ။

အာဏာသိမ်းပြီး တဲ့နောက် အရပ်သားအစိုးရ လက်ထက်က သုံးစွဲခဲ့တဲ့ ဘတ်ဂျက် နှစ်သတ်မှတ်ချက်ကို ပြန်ပြင်ခဲ့ပါသေးတယ်။

ဘတ်ဂျက်နှစ်ပြန်ပြန်တဲ့အတွက် ၂၀၂၂ −၂၃ ခုနှစ် ဘတ်ဂျက်နှစ်အသစ်မစတင်မီ ကြားကာလ ခြောက်လတာ ဘတ်ဂျက်မှာတင် စစ်တပ်အတွက် ကျပ်ဘီလီယံ ၁၇၀၀ ကျော် သုံးစွဲခဲ့ပါသေးတယ်။