စစ်ကိုင်းတိုင်း ပုလဲမြို့နယ်တွင် စစ်ကောင်စီတပ်နှင့် ပျူစောထီးအဖွဲ့ကို အနီးကပ်ပစ်ခတ်တိုက်ခိုက်ခဲ့ကြောင်း ဗိုလ်နဂါးဦးဆောင်သည့် မြန်မာ့တော်ဝင်နဂါးတပ်တော်က ယနေ့(ဧပြီ ၉)ထုတ်ပြန်သည်။
ယနေ့နံနက် ၁၀ နာရီခွဲတွင် ပုလဲမြို့နယ် ဇီးဖြူကုန်းရွာ၌တပ်စွဲထားသော စစ်ကောင်စီတပ်နှင့် ဖြူစောထီးအဖွဲ့များ စခန်းအပြင်ဘက်ထွက်၍ ပြည်သူ့လယ်ယာများမှ ပဲများကို လှည်းပေါ်တင်နေစဥ် အနီးကပ်ပစ်ခတ်တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
ပစ်ခတ်ခံရမှုကြောင့် စစ်ကောင်စီတပ်မှ အနည်းဆုံးသုံးဦးသေဆုံးသည်ကို ရှင်းရှင်းလင်းလင်းမြင်ခဲ့ရပြီး လက်နက်များရယူရန်ကြိုပမ်းသော်လည်း ဇီးဖြူကုန်းရွာစခန်းမှ ပြန်လည်ပစ်ခတ်သောကြောင့် ဆုတ်ခွာခဲ့ရသည်ဟု အသိပေးသည်။
အထက်ပါကဲ့သို့ စစ်ကောင်စီတပ်ဘက်မှ ပြန်လည်ပစ်ခတ်မှုရှိသော်လည်း မြန်မာ့တော်ဝင်နဂါးတပ်တော်မှ ရဲဘော်များ အထိအခိုက်မရှိ ဆုတ်ခွာနိုင်ခဲ့ကြောင်း ထုတ်ပြန်ထားသည်။
Public Service Announcement
