စစ်တပ်အာဏာသိမ်းမှုတွင် ကရင်နီပြည်နယ်၌ ဖမ်းဆီးခံရသူ ၂၂၁ ဦးရှိ၊ ၉၄ဦးကို တစ်သက်တစ်ကျွန်းအပါအဝင် အမိန့်များချမှတ်ခံထားရ

စစ်တပ်၏အာဏာသိမ်းဖြစ်စဥ်ကို ကန့်ကွက်မှုကြောင့် ကရင်နီ(ကယား) ပြည်နယ်တွင် ဖမ်းဆီခံရသူပေါင်း ၂၂၁ ဦးအနက် ၉၄ဦးကို တစ်သက်တစ်ကျွန်း အပါအဝင် အမိန့်များအသီးသီးချမှတ်ခံထားရကြောင်း တိုးတက်သောကရင်နီ ပြည်သူ့အင်အားစု(PKPF)က ယနေ့ ထုတ်ပြန် သည်။

မတရားဖမ်းဆီးထောင်ချခံရမှုတွင် ပုဒ်မ ၅၀၅-ကဖြင့် စွပ်စွဲခံရသူများအနက် ၇၆ဦးကို သုံးနှစ်စီထောင်ချခဲ့ပြီး ငါးဦးကို နှစ်နှစ်စီ ချမှတ်ခဲ့သည်ဟု ဆိုသည်။

ပုဒ်မ ၅၀၅-ခဖြင့် စွပ်စွဲခံရသူ တစ်ဦးကို နှစ်နှစ် ၊ ပုဒ်မ ၅၂-က ဖြင့် စွပ်စွဲခံရသူတစ်ဦးကို ငါးနှစ် နှင့် ပုဒ်မ ၁၇ /၁ ဖြင့် ခုနှစ်ဦးကို ထောင်ဒဏ်သုံးနှစ်စီ မတရားပြစ်ဒဏ်များချမှတ်ခဲ့သည်။

ထို့အပြင် ၅၀၅၊၁၇/၁၊ ၅၀၊၅၂၊ ၁၂၄ နှင့် ၃၀၂ ပုဒ်မ များဖြင့် စွပ်စွဲခံရသူ လေးဦးကိုမူ ထောင်ဒဏ်တသက်တကျွန်းကျခံရန် အကြမ်းဖက်စစ်ကောင်စီက ချမှတ်ခဲ့သည်။

Public Service Announcement

ထောင်ဒဏ်တစ်သက်တစ်ကျွန်းကျခဲ့သည့် လေးဦးသည် အကြမ်းဖက် စစ်ကောင်စီတပ်သားများကို ခုခံသတ်ဖြတ်ကာ အဖမ်းဆီးခံရပြီ စစ်ကောင်စီမှ ပုဒ်မအမျိုးမျိုးဖြင့် တရားစွဲပြီး အမိန့်ချခဲ့ခြင်းဟု PKPF က အသိပေးသည်။

စစ်ကောင်စီ၏ အမိန့်ချမှတ်ခံခဲ့ရပြီးသူများမှာ CDM လှုပ်ရှားမှုများတွင်ပါဝင်သူ၊PDF နှင့် ဆက်နွယ်သည်ဟူ စွပ်စွဲခံရသူများနှင့် လက်နက်နှင့်တကွ ဖမ်းဆီးရမိခဲ့ သူများဟု သိရသည်။

လက်ရှိတွင် ကရင်နီပြည်နယ်၌ အာဏာသိမ်း အကြမ်းဖက်စစ်တပ်ကို လက်နက်ကိုင် လမ်းစဥ်ဖြင့် တွန်လှန်နိုင်နေပြီး နေ့စဥ်နှင့်အမျှ ထိတွေ့တိုက်ပွဲ များလည်းရှိသည်။