“ဖက်ဆစ်စစ်တပ်နှင့်ပူးပေါင်းသူမှန်သမျှ ဆန့်ကျင်ကြ”ဟုဆိုကာ စစ်တပ်နှင့် ပူးပေါင်းသော၊ စစ်တပ်နှင့်ဆက်စပ်သော အသိုင်းအဝိုင်းများနှင့် တွဲဖက်အလုပ်လုပ်ကိုင်သော၊ အာဏာသိမ်းစ အချိန်တည်းက အခုချိန်ထိ စစ်အာဏာရှင်ဆန့်ကျင်ရေးလှုပ်ရှားမှုများတွင် ပါဝင်ခဲ့ခြင်းမရှိသော၊ အစပိုင်းတွင်ပါဝင်ခဲ့သော်လည်း ယခုအချိန်တွင် စစ်တပ်နှင့်ပူးပေါင်း တွဲဖက်လုပ်ကိုင်ကြသော အနုပညာရှင်များ၊ Social influencer များ လူမှုပြစ်ဒဏ်ချမှတ်သွားမည်ဖြစ်ပါသည်”ဟု ဧပြီ ၁၀ ရက်တွင် ကြေညာချက် ထုတ်ပြန်သည်။
အဆိုပါအနုပညာရှင်များမှာ နေတိုး၊ စိုင်းစိုင်းခမ်းလှိုင် ၊ရန်အောင်၊ ခန့်စည်သူ၊ရဲအောင်၊ မြင့်မြတ် ၊ အောင်ရေချမ်း ၊ ဒိန်းဒေါင် ၊ စိုးမြတ်သူဇာ ၊ စိုးမြတ်နန္ဒာ ၊နန္ဒာလှိုင် ၊ အေးမြတ်သူ ၊ မယ်လိုဒီ ၊ ဝတ်မှုန်ရွှေရည်နှင့် မိုးစက်ဝိုင်တို့ပါဝင်သည်။
“အဆိုပါအနုပညာရှင်များသည် ပြည်သူ့ဘက်ကို မျက်နှာမမူ၊ ပြည်သူတွေ ကျွေးတဲ့ထမင်းစားပြီး ပြည်သူတွေရဲ့ဒုက္ခကို မစာနာ မထောက်ထားဘဲ ဖက်ဆစ်စစ်တပ်ကို ထောက်ခံအားပေးသော၊ ဖက်ဆစ်စစ်တပ်နှင့် ပူးပေါင်းသောအလုပ်လုပ်ကိုင်သော၊ စစ်အာဏာရှင်ဆန့်ကျင်ရေးတွင် ပါဝင်ခဲ့မရှိသော၊ follower ကျမှာကြောက်၍ အယောင်ဆောင်ဆန္ဒပြခဲ့ကြသော အနုပညာရှင်များသာဖြစ်ကြသည်။”ဟု GSCB ၏ထုတ်ပြန်ချက်၌ ဖော်ပြထားသည်။
“အနုပညာအလုပ် လုပ်တာကိုတော့ အသက်မွေးကျောင်းဆိုတော့ ဝမ်းရေး အခက် အခဲအကြပ်အတည်းအရအပြစ်တော့ သိပ်မမြင်မိဘူး။တစ်ခုရှိတာက ကိုယ့်အလုပ်ကိုယ်လုပ်တဲ့ အချိန်မှာ ပြည်သူတွေရဲ့ ဆန္ဒနဲ့ သဘောထားကို လျစ်လျူမရူ့မိဖို့ပဲ။SPကတော့ လုပ်ကိုလုပ်ရမှာ”ဟု ပရိသတ်တစ်ဦးက မှတ်ချက်ပြုသည်။
Public Service Announcement
