ယနေ့(ဧပြီ ၁၁ရက်)နံနက်ပိုင်းတွင် GTR-MMU အဖွဲ့က အရေးပေါ်သတိပေး ကြေညာချက်တစ်ခု ထုတ်ပြန်ခဲ့ရာ မုံရွာ – မြင်းမူ – မန္တလေး လမ်းပိုင်းနှင့် မြင်းမူမြို့နယ်အတွင်းရှိ လမ်းပိုင်းများ၊ မြို့နယ်ချင်းဆက်လမ်းပိုင်းများအား ယခုအချိန်မှ စတင်ပြီးလုံးဝ(လုံးဝ) အသုံးပြုခြင်း မပြုကြရန် ပြည်သူလူထုအား အသိပေးအကြောင်းကြားကြောင်း၊ သတိပေးချက်ကို လိုက်နာပေးခြင်းဖြင့် ကူညီပေးစေလိုကြောင်း အသိပေးထားသည်။
လမ်းပိုင်းခေတ္တပိတ်သိမ်းရသည့်ဖြစ်စဥ်နှင့်ပတ်သက်၍ GTR-MMU အဖွဲ့ထံ ဆက်သွယ်မေးမြန်း ထားသော်လည်း ပြန်လည်ဖြေကြားခြင်းမရှိသေးပါ။
မန္တလေး-မုံရွာလမ်းမကြီးပေါ်တွင် အကြမ်းဖက်စစ်ကောင်စီတပ်များ မကြာခဏ တိုက်ခိုက် ခံရလေ့ရှိပြီး ဧပြီ ၇ ရက် နံနက် ၂နာရီခွဲခန့်ကလည်း မန္တလေးဘက်မှ မုံရွာမြို့သို့ ထွက်ခွာလာသော စစ်ကောင်စီလက်နက်ကိုင်များ လိုက်လာပါသည့် Express ကားနှစ်စီး၊ ကားအသေး လေးစီးကို ချောင်းဦး PDF နှင့် မြောင်မြို့နယ် TGR ပြည်သူ့ကာကွယ်ရေးတပ် တို့က မိုင်းဆွဲတိုက်ခိုက်ခဲ့ရာ ကားသုံးစီးထိခဲ့ကာ ထိခိုက်သေဆုံးသူများပြားကြောင်း ဒေသတွင်း PDFများက ထုတ်ပြန်ခဲ့သည်။
