ပျူစောထီးကြီးစိုးနေသောရွာအား အောင်ဆန်းတပ်ရင်း ဒရုန်းဖြင့်လေးကြိမ် တိုက်ခိုက်

●စစ်​ကောင်စီ မဏ္ဍပ်များကိုဒရုန်းဖြင့်တိုက်ခိုက်မည်ဖြစ်၍ ပြည်သူများ​ရေမကစားရန် သတိ​ပေး

ယနေ့(ဧပြီ၁၁ ရက်)နံနက် ၉နာရီခန့်က မုံရွာခရိုင် တပ်ရင်း (၅)၊ အောင်ဆန်းတပ်ရင်း၏ ဒရုန်းတပ်ဖွဲ့သည် ပုလဲနယ်မှ ဇီးဖြူကုန်းရွာ (ပျူစောထီးရွာ)အား ဒရုန်းဖြင့်လေးကြိမ်​တိုက်ခိုက်ခဲ့ကြောင်း၊ အကြမ်းဖက် စစ်တပ်နှင့် ပျူစောထီးသုံးဦး ထိခိုက်ပြီး သေဆုံးခြင်းရှိ၊မရှိ အတည်မပြုနိုင် သေးကြောင်း မြေပြင်မှသတင်းပေးပို့လာပါသည်ဟု Aung San Force (A.S.F) က ထုတ်ပြန်သည်။

ယင်းအပြင် မုံရွာ၊ ​ချောင်းဦး၊ ယင်းမာပင်နှင့် ပုလဲမြို့ပေါ်များမှ အကြမ်းဖက် စစ်ကောင်စီ၏ သင်္ကြန်မဏ္ဍပ်များကို မုံရွာခရိုင်တပ်ရင်း (၅)၏ ဒရုန်းတပ်ဖွဲ့မှ အတာသင်္ကြန်ကာလအတွင်း၌ ပစ်မှတ်ထားတိုက်ခိုက်သွားမည်ဖြစ်သော ကြောင့် မိဘပြည်သူများအနေဖြင့် စစ်ကောင်စီ၏ သင်္ကြန်မဏ္ဍပ်များသို့ သွားရောက်လည်ပတ်ပျော်ပါးခြင်း မပြုကြရန်လည်း သတိပေးထားသည်။

အထက်ပါ​ဖြစ်စဥ်အတွက် Aung San Force (A.S.F)သို့ ဆက်သွယ်မေးမြန်း ထားပြီး ပြန်လည်ဖြေကြားခြင်းမရှိသေးပါ။

Public Service Announcement

Aung San Force (A.S.F)အဖွဲ့သည် ပြီးခဲ့သည့် မတ်လ ၁၉ရက်က မုံရွာခရိုင်၊ ချောင်းဦး မြို့နယ်မှ ပျူစောထီးရွာဖြစ်သော ကင်မွန်းတော်ရွာမှ အပြင်သို့ ထွက်လာသော ပျူစောထီး နှင့်စစ်ကောင်စီတပ်သားအချို့အား ASF ၏ တပ်ခွဲ(၃)နှင့် CHU PDF ပူးပေါင်းတပ်တို့မှ ကင်းပုန်းဝပ်တိုက်ခိုက်ခဲ့ပြီး ပျူစောထီးနှစ်ဦး ဒဏ်ရာရခဲ့သည်။