မိဘပြည်သူတွေအနေနဲ့ ယခင်ကျဆုံးခဲ့တဲ့ တော်လှန်ရေးရဲဘော်တွေနဲ့အတူ အခုအချိန်ထိ တော်လှန်ရေးအတွက် အသက်ကိုပဓာနမထားဘဲ ပေးဆပ်ဖို့အသင့်ရှိနေတဲ့ ရဲဘော်တစ်ယောက်ချင်းစီရဲ့ ဘ၀ကို စာနာထောက်ထားတဲ့အနေနဲ့ သင်္ကြန်မှာ မလည်ပတ်ကြဖို့ ပြည်သူတွေထိခိုက်နစ်နာမှုမရှိစေဖို့ မဟာမိတ်တပ်ပေါင်းစုက ကြိုတင်သတိပေးပြောကြားလိုက်တယ်လို့ ထုတ်ပြန်ချက်မှာ ဖော်ပြထားပါတယ်။
တကယ်လို့ ထွက်လည်ခဲ့ရင်လည်း ကျရောက်လာမယ့်အန္တရာယ်တစုံတရာကို မဟာမိတ်တပ်ဖွဲ့ဝင်တွေက တာဝန်ယူသွားမှာမဟုတ်ဘူးလို့ မဟာမိတ်တပ်ပေါင်းစုက ကြိုတင်သတိပေး ပြောကြားလိုက်တာဖြစ်ပါတယ်။
မဟာမိတ်တပ်ပေါင်းစုရဲ့ ထုတ်ပြန်ကြေငြာချက်နဲ့ပတ်သက်ပြီး ပြည်သူတစ်ဦးကတော့ “လုပ်သင့်တာလုပ်ပါ။ လိုက်နာဖို့အသင့်ပဲ” လို့ ပြောပါတယ်။
မြ၀တီမြို့နယ်အတွင်း စစ်ကောင်စီကိုတော်လှန်နေကြတဲ့ တော်လှန်ရေးအင်အားစုတွေဖြစ်ကြတဲ့ Myawaddy People Local Defense Force, တောင်ပိုင်းတိုင်းစစ်ဌာနချုပ်တပ်ခွဲ(၂)၊ Dawna’s Rangers(People Denfense Force)၊ People Defense Association’s စတဲ့ အဖွဲ့တွေအားလုံးကနေစုပေါင်းပြီး မဟာမိတ်တပ်ပေါင်းစုအဖြစ် ပြောင်းလဲဖွဲ့စည်းခဲ့ကာ Myawaddy Local Groups အဖြစ်ကို ပေါင်းစည်းမဟာမိတ်ပြုလိုက်ပြီလို့ ထုတ်ပြန်ထားချက်အရ သိရပါတယ်။