'/%3E%3C/svg%3E){kind=small}
▪️ရဲအချို့ ထိခိုက်ဒဏ်ရာရရှိဟုဆို
အကြမ်းဖက် စစ်ကောင်စီခန့်ဝန်ကြီးချုပ် တက်ရောက်ဖွင့်လှစ်ခဲ့သည့် ပဲခူးမြို့ဗဟိုသင်္ကြန်မဏ္ဍပ်၏ လုံခြုံရေး ရဲဂိတ်အား ယနေ့ (ဧပြီ ၁၃) ညနေ ၆ နာရီခွဲက ပဲခူးခရိုင်တပ်ရင်း(၁) တပ်ခွဲ(၂) PDF-Bago မှ လက်ပစ်ဗုံးဖြင့် တိုက်ခိုက်ခဲ့ကြောင်း Bago Ragion PDF က ထုတ်ပြန် သည်။
ယင်းတိုက်ခိုက်မှုတွင် ပဲခူးမြို့ဗဟိုသင်္ကြန်မဏ္ဍပ်အနီး တပင်ရွှေထီးလမ်း လုံခြုံရေးရဲဂိတ်မှ စစ်ကောင်စီလက်ပါးစေ ရဲများထိခိုက်ဒဏ်ရာရရှိခဲ့ကြောင်း ဒေသခံများမှတစ်ဆင့် သိရသည်။
” ညနေ ၆ နာရီခွဲလောက်က ဗဟိုမဏ္ဍပ်နားမှာ ဗုံးပေါက်တယ်လို့ သိရတယ်။ လုံခြုံရေးရဲဂိတ်မှာ ပေါက်တာတဲ့။ ရဲ ၃၊ ၄ ယောက် ဒဏ်ရာရသွားတယ် လို့တော့ ကြားတယ်။ သေ မသေတော့ မသိရဘူး။ ပြည်သူတွေက ဘယ်သူမှ မသွားကြပါဘူး။ သူတို့ (စစ်ကောင်စီ လက်အောက်ခံ) ဝန်ထမ်းတွေပဲ အဲ့မဏ္ဍပ်မှာ ရှိကြတာပါ ” ဟု ပဲခူးမြို့ခံတစ်ဦးက ပြောသည်။
Public Service Announcement
ပဲခူးခရိုင် PDF တပ်ရင်းအနေဖြင့် အကြမ်းဖက်စစ်ကောင်စီများအား အရှိန်အဟုန်မြှင့် တိုက်ခိုက်သွားမည်ဖြစ်သောကြောင့် ပြည်သူများအနေဖြင့် စစ်ကောင်စီက ပြုလုပ်သော ပျော်ပွဲရွှင်ပွဲများတွင်ပါဝင်ခြင်း မပြုကြပါရန် Bago Ragion PDF က တိုက်တွန်းလိုက်သည်။
