ပြည်သူများ၏တိုင်တန်းချက်အရ မြို့နယ်အတွင်းမူးယစ်ဆေးဝါးရောင်းဝယ်သုံးစွဲသူများနှင့်အတူ WY ဆေးပြားများဖမ်းဆီးရမိကြောင်း မြောင်မြို့နယ်ပြည်သူ့ကာကွယ်ရေးနှင့် လုံခြုံရေးအဖွဲ့ (CDSOM)က ယနေ့(ဧပြီ ၁၅ ရက်) ထုတ်ပြန်သည်။
ယမန်နေ့က WY စိတ်ကြွဆေးပြားရောင်းဝယ်၊သုံးစွဲသူများအား လိုက်လံဖမ်းဆီးရာတွင် ဆေးပြား၁၈၃ ပြား ၊သုံးစွဲလက်စပိုက်နှင့် ကျပ်လေးသိန်းကျော် သိမ်းဆည်းရမိခဲ့သည်ဟု ဆိုသည်။
ကွင်းဆက်များကို ဆက်လက်ဖော်ထုတ်ရာ ယနေ့ (ဧပြီ ၁၅ ရက်)တွင် သုံးစွဲသူတစ်ဦးထပ်မံဖမ်းဆီးရမိခဲ့ကြောင်း CDSOM က အသိပေးသည်။
စုံစမ်းမှုများအရ မြောင်မြို့နယ်ထဲတွင်းသို့ သွင်းယူလာသည့် စုစုပေါင်းဆေးပြား ၅၀၀ရှိကြောင်း ဝန်ခံခဲ့ပြီး ရောင်းချသူကိုယ်တိုင်က ဆေးပြား၆၀ကို သုံးစွဲခဲ့သည်ဟု သိရသည်။
Public Service Announcement
ထို့ကြောင့် စီးပွားပျက်စေသော လောင်းကစားမှုများ ပြုလုပ်ခြင်း၊ မူးရစ်ဆေးဝါးများရောင်းဝယ်ခြင်း နှင့် သုံးစွဲခြင်းများအား NUG- MOD ဌာန၏ လမ်းညွှန်မှုအတိုင်း ဖမ်းဆီးအရေးယူမှုများ ဆက် လက်လုပ်ဆောင်သွားမည်ဖြစ်ကြောင်း ထုတ်ပြန်ချက်၌ ဖော်ပြသည်။
ယခုမူးယစ်ဆေးဝါးဖြစ်စဥ်ကို မြောင်မြို့နယ် ပြည်သူ့ကာကွယ်ရေးနှင့် လုံခြုံရေးအဖွဲ- CD SOM ၊ ပြည်သူ့တပ်မတော် (မြောင်) -MUA၊ PDF Taloke နှင့် စစ်ကိုင်းခရိုင် တပ်ရင်း (၁)၊(၂) တပ်ခွဲ(၃) တို့မှ ပူးပေါင်းဆောင်ရွက်ခဲ့ခြင်း ဖြစ်သည်။
