ဗဟန်းမြို့နယ်ရှိ The One Entertainment နှင့် အရှေ့မြင်းပြိုင်ကွင်းလမ်းရှိ မြတ်မေတ္တာမွန်ဆီဆိုင်တို့ကို ဗုံးနှစ်လုံးဖြင့်တိုက်ခိုက်ခဲ့သည်ဟု Bahan Guerrilla Force (P-PDF)က သတင်းထုတ်ပြန်သည်။
မြတ်မေတ္တာမွန်ဆီဆိုင်သည် စစ်ကောင်စီ၏ထောက်တိုင်ဖြစ်၍ ဖောက်ခွဲတိုက်ခိုက်ခဲ့ခြင်းဖြစ်၍ ဧပြီ ၁၉ ရက် မနက် ၇နာရီခွဲခန့်တွင် နှစ်ခုလုံးကိုဖောက်ခွဲခဲ့ခြင်းဖြစ်သည်ဟုဖော်ပြထားသည်။
မြတ်မေတ္တာမွန်ဆီဆိုင်ကို ဖောက်ခွဲတိုက်ခိုက်ရာတွင် မြို့နယ် ပြည်သူ့ကာကွယ်ရေးအဖွဲ့က B-PDFနှင့်ပူးပေါင်းတိုက်ခိုက်ခဲ့ခြင်းဖြစ်သည်ဟုပါရှိသည်။
The One Entertainment သည် ပြည်သူများ စိတ်အနှောက်အယှက်ဖြစ်စေသောကြောင့် ဆောင်ရွက်ခဲ့ခြင်းဖြစ်သည်ဟု B-PDFကထုတ်ပြန်သည်။
ဗုံးပေါက်ကွဲပြီးနောက် ယနေ့ မနက်ပိုင်းတွင် ဗဟန်းမြို့နယ်ရှိ လမ်းအချို့ကို အကြမ်းထက်စစ်ကောင်စီတပ်သာများက ပိတ်ဆို့စစ်ဆေးမူများဆောင်ရွက်ခဲ့သည်ဟု ပြည်သူအချို့ကပြောသည်။