မြဝတီ − ကော့ကရိတ် အာရှလမ်းမကြီးပေါ်မှာသွားလာနေတဲ့ ခရီးသည်တင်ကားတွေ ၊ကုန်တင်ကားနဲ့ အရပ်သားကားတွေကို ပစ်ခတ် မီးရှို့တာတွေမလုပ်ဖို့ ကရင်အမျိုးသားလွတ်မြောက်ရေးတပ်မတော် (KNLA) စစ်ဦးစီးချုပ် ဗိုလ်ချုပ်ကြီးစောဂျော်နီက ညွှန်ကြားထားတယ်လို့ သိရပါတယ်။
KNLA တပ်မဟာ ၆ နဲ့တပ်မဟာ ၇ တပ်မဟာမှူးတွေထံ ညွှန်ကြားထားတာလို့သိရပါတယ်။
ဒီညွှန်ကြားချက်ဟာ ကရင်အမျိုးသားအစည်းအရုံး (KNU ) ဗဟိုအလုပ်အမှုဆောင်ကော်မတီရဲ့ ဆုံးဖြတ်ချက်အရလည်းဖြစ်ပါတယ်။
ညွှန်ကြားချက်ကို အောက်ခြေက တပ်မှူး ၊တပ်သားတွေ ထံကို ထပ်မံညွှန်ကြားဖို့နဲ့ လိုက်နာမှုမရှိရင် လိုအပ်သလိုအရေးယူဆောင်ရွက်သွားမှာလို့ KNLA စစ်ဦးစီးချုပ် ဗိုလ်ချုပ်ကြီးစောဂျော်နီရဲ့ ညွန်ကြားချက်မှာ ပါရှိပါတယ်။
Public Service Announcement
စစ်ကောင်စီဟာ အာရှလမ်းမကြီးကိုအသုံးချကာ ကရင်ပြည်နယ်ထဲ စစ်အင်အားတိုးချဲ့နေတာကြောင့် ပြီးခဲ့တဲ့ မတ်လကုန်ပိုင်းကစပြီး မြဝတီ − ကော့ကရိတ် အာရှလမ်းမကြီး လမ်းပိုင်း သွားလာတာကို ယာယီရပ်ဆိုင်းပေးထားကြဖို့ KNU က ပြည်သူတွေထံ မေတ္တာရပ်ခံထားပါတယ်။
ပြီးခဲ့တဲ့ ရက်ပိုင်းက အာရှလမ်းမကြီး လမ်းပိုင်းတစ်နေရာမှာ တိုက်ပွဲဖြစ်ပြီး ကုန်တင်ယာဉ်နှစ်စီးမီးလောင်ပျက်စီးခဲ့တာရှိပါတယ်။
