Connect with us

Hi, what are you looking for?

သတင်း

တနင်္သာရီက စစ်ရှောင်အိမ်တွေမီးရှို့တဲ့ စစ်တပ်စစ်ကြောင်း KNLA ပူးပေါင်းတပ်တိုက်ခိုက်

အရာရှိအပါအဝင် စစ်ကောင်စီတပ်ဖွဲ့ဝင် အချို့ထိခိုက်

(တနင်္သာရီမြို့နယ် သဲဖြူကျေးရွာက စစ်ဘေးရှောင်တွေ နေအိမ် စစ်တပ်စစ်ကြောင်းက မီးရှို့ဖျက်ဆီးအပြီး တွေ့ရစဉ်။ ဓာတ်ပုံ - KNU - Mergui-Tavoy District)

‎ဩဂုတ် ၂၂၊ ၂၀၂၆။ ထားမြတ်/People’s Spring

‎‎တနင်္သာရီတိုင်း၊ တနင်္သာရီမြို့နယ် သဲဖြူကျေးရွာက စစ်ဘေးရှောင်တွေ နေထိုင်ရာနေရာ မီးရှို့ဖျက်ဆီးခဲ့ အာဏာသိမ်းစစ်တပ် စစ်ကြောင်းကို ကရင်အမျိုးသားလွတ်မြောက်ရေးတပ်မတော်(KNLA)နဲ့ တော်လှန်ရေးပူးပေါင်းတပ်က ကြားဖြတ်တိုက်ခိုက်ခဲ့တယ်လို့ ဒေသခံသတင်းရင်းမြစ်က ပြောပါတယ်။

‎ဩဂုတ် ၁၇ရက်မှာ အာဏာသိမ်းစစ်တပ်ဟာ မဲ့ဝါးခီး(သဲဖြူချောင်းဖျား)က စစ်ရှောင်ပြည်သူများ နေထိုင်ရာနေရာ ဝင်ရောက်ပြီး နေအိမ်(၄)လုံး မီးရှို့မီးရှို့ဖျက်ဆီးခဲ့တယ်လို့ ကရင်အမျိုးသားအစည်းအရုံး(KNU) ထားဝယ်ခရိုင်က သတင်းထုတ်ပြန်ထားတဲ့အပေါ် သတင်းရင်းမြစ်ကအခုလို ရှင်းပြတာပါ။

‎အဲဒီစစ်ကြောင်းက မီးရှို့ဖျက်စီးပြီးတဲ့နောက်ပိုင်း ပြန်လည်ဆုတ်ခွာစဉ် KNLA ပူးပေါင်းတပ်က ဩဂုတ် ၁၉ရက်မှာ ၁ကြိမ်၊ ၂၀ရက်မှာ ၁ကြိမ် ကြားဖြတ်တိုက်ခိုက်ခဲ့တယ်လို့ဆိုပါတယ်။

Public Service Announcement

Public Service Announcement

‎”မီးရှို့ဖျက်စီးပြီးပြန်လာတဲ့လမ်း တစ်နေရာမှာ စကစလေးယောက်ဒဏ်ရတယ်။ ဒဏ်ရာရတဲ့အထဲမှာပိုကြီးအဆင့်ရှိတဲ့တပ်ခွဲမှူး တယောက်လည်းထိခိုက်တယ်။”လို့ ဒေသခံသတင်းရင်းမြစ်က ပြောပါတယ်။

‎KNU ရဲ့ ထုတ်ပြန်ချက်အရ စစ်တပ် စစ်ကြောင်း‎ဟာ မဲ့ဝါးခီးစစ်ရှောင်ပြည်သူများရဲ့ ‎နေအိမ် (၄) လုံး၊ ပြည်သူပိုင် ပစ္စည်းများနဲ့ စားနပ်ရိက္ခာများ၊ စပါး (၁၅၀) တင်းနှင့် ပြည်သူပိုင် ဆိုင်ကယ် (၅) စီးတို့ကို မီးရှို့ဖျက်ဆီးခဲ့တယ်လို့ ဆိုပါတယ်။

‎”သယ်လို့ရတဲ့ဟာတွေကျသူတို့သယ်သွားတယ်။သယ်လို့မရတဲ့ဟာတွေကျတော့ အကုန်လုံးမီးရှို့ဖျက်စီးတယ်အဲဒီလိုမျိုး” လို့ ဒေသခံသသတင်းရင်းမြစ်ကပြောပါတယ်။

‎သဲဖြူကျေးရွာ ဒေသခံတွေဟာ ဒေသတွင်းစစ်ရေးအခြေအနေတွေကြောင့် လွန်ခဲ့တဲ့ ၁နှစ်ကျော်ကတည်းက နေရပ်စွန့်ခွာတိမ်းရှောင်နေကြရတာဖြစ်ပါတယ်။

ဆက်စပ်သတင်းများ

သတင်း

စစ်ကိုင်းတိုင်း၊ ရွှေဘိုခရိုင်မှာ အယ်နီညိုကြောင့် ရာသီဥ​​တု အပြောင်းအလဲ မြန်ဆန်နေတာကြောင့် စစ်ရှောင်ပြည်သူအချို့ ကျန်းမာရေးထိခိုက်မှုတွေရှိနေကြောင်း ဒေသခံတွေက ပြောပါတယ်။

အတွေးအမြင်

နိုဝင်ဘာ ၆ ရက်နေ့ နေ့လယ်ပိုင်းက ရန်ကုန်မြို့၊ အင်းလျားလိတ်ဟိုတယ်က YCC ခန်းမမှာ ဇာတ်မင်းသား စမ်းရေမိုးရဲ့ ဖျော်ဖြေပွဲ ပြုလုပ်ပါတယ်။ အဲဒီပွဲမှာ စမ်းရေမိုး ပုံတူ ပန်းချီကားကို လေလံတင် ရောင်းချခဲ့ရာမှာ အမျိုးသမီးတွေ အပြိုင်အဆိုင် လေလံ ဝင်ဆွဲခဲ့ကြတယ်။ နောက်ဆုံးတော့ အမျိုးသမီးတစ်ဦးက...

သတင်း

တန်ပြန်ထိုးစစ် တစ်ပတ်အတွင်း လက်နက် ၄၀ နဲ့ သုံ့ပန်း တွေရ

သတင်း

အင်းတော်-ဝန်းသိုလမ်းပိုင်းမှာ​ အောက်တိုဘာ ၂၉ ရက်​နေ့ကဖြစ်ပွားတဲ့တိုက်ပွဲအတွင်း စစ်တပ်ကသေဆုံးထိခိုက်သူများပြီးပြန်ဆုတ်​ပြေးသွားရကာ PDF ​တွေကလက်နက်ခဲယမ်း အများအပြားသိမ်းဆည်းနိုင်ခဲ့ပါတယ်။

Facebook