ကနီမြို့နယ်ပြည်သူ့ကာကွယ်ရေးတပ်ဖွဲ့ -၂( KPDF 2 )၊ တပ်ရင်း (၂)၏ စစ်သင်တန်းအပတ်စဉ် (၂) အထူးမွမ်းမံသင်တန်းဆင်းပွဲတွင် တပ်ဖွဲ့ဝင် သင်တန်းသား နှစ်ရာကျော်တက်ရောက်ခဲ့ကြောင်း KPDF-2 မှတာဝန်ရှိသူကပြောသည်။
မတ်လ ၁၁ ရက်တွင်ပြုလုပ်ခဲ့သော အထူးမွန်းမံသင်တန်း၏ ဓါတ်ပုံများကို ထုတ်ပြန်လိုက်ပြီး ပြည်သူများအနေဖြင့်လက်နက်ခဲယမ်းများကူညီပေးရန်လည်း တာဝန်ရှိသူကမေတ္တာရပ်ခံသည်။” လက်နက်ဘဲလိုတာပါ အင်အားကအပြည့်ရှိပါတယ်”ဟု၎င်းကဆက်ပြောသည်။
စစ်ကောင်စီလက်အောက်ခံပျူစောထီးများပေါများသည့် မင်းကင်းနှင့်နီးစပ်သော်လည်း ကနီဒေသအခြေစိုက်KPDF-2 တပ်ရင်း ၂ သည် စစ်ကောင်စီတပ်များကိုအစွမ်းကုန်ခုခံတိုက်ခိုက်နေသော ပြည်သူ့ကာကွယ်ရေးတပ်ဖြစ်သည်။
“အခုဆို အနယ်နယ်အရပ်ရပ်မှာ စခတွေစစ်ကြောင်းထိုးရွားလုံးကျွတ်မီးရှို့နေတော့ နီးစပ်ရာက
ပြောင်းလာကြတဲ့စစ်ရှောင်တွေအပေါ် အတတ်နိုင်ဆုံးကူညီပေးဖို့နဲ့ ရှေ့တန်းတိုက်ပွဲဝင်နေတဲ့ ကာကွယ်ရေအဖွဲ့တွေအတွက် လိုအပ်တာပံ့ပိုးကူညီပေးကြဖို့ မေတ္တာရပ်ခံချင်တာပါဗျာ”ဟု KPDF-2 တပ်ရင်း (၂) မှတာဝန်ရှိသူကပြည်သူများသို့မေတ္တာရပ်ခံသည်။
Public Service Announcement
