စစ်ကောင်စီတပ်သားများနှင့်လက်နက်ပစ္စည်းများသယ်ပေးခြင်းမပြုရန် ကားမှန်ချမောင်းရန် ပြည်သူများအား ပုလောဒေသကာကွယ်ရေးတပ် ပန်ကြား

ပုလောဒေသကာကွယ်ရေးတပ်(PRDF) အနေဖြင့် စစ်ကောင်စီတပ်ယာဉ်များကို မိုင်းဆွဲတိုက်ခိုက်မှုများ လုပ်ဆောင်လျက်ရှိရာ မှားယွင်းတိုက်ခိုက်မှုမဖြစ်စေရေးနှင့် ပြည်သူများ ထိခိုက်မှုမရှိစေရေး ကားမှန်ချမောင်းနှင်ရန်နှင့် စစ်ကောင်စီတပ်သားများ၊ လက်နက်၊ ပစ္စည်းများ သယ်ဆောင်ပေးခြင်းမပြုရန် PRDFက ယနေ့ အသိပေးချက်ထုတ်ပြန်လိုက်သည်။

PRDF အနေဖြင့် ယခုရက်ပိုင်းအတွင်း ထားဝယ်-ပုလော-မြိတ် အဝေးပြေးကားလမ်းပေါ်တွင် စစ်ကောင်စီတပ်ယာဉ်တန်းကို တိုက်ခိုက်ခဲ့ကြောင်း၊ စစ်ကောင်စီတပ်နှင့် လက်ပါးစေများ၏ သွားလာမှုကို စောင့်ကြည့်ကာ ဆက်လက် တိုက်ခိုက်သွားရန်ရှိကြောင်း ဖော်ပြထား သည်။

ထိုသို့ မိုင်းဆွဲတိုက်ခိုက်ခြင်း၊ ခြုံခိုတိုက်ခိုက်ခြင်းများ မလုပ်မီ သတင်းစုံစမ်း ပြီး လုပ်ဆောင်လေ့ရှိ သော်လည်း အကြောင်းမသင့်၍ ပြည်သူများ၏ သွားလာမှုများကို မှားယွင်း တိုက်ခိုက်မှု မလုပ်မိစေရန်အတွက် အဝေးပြေး လမ်းမကြီးပေါ်တွင် ဖြစ်စေ၊ ကျေးရွာများနှင့် မြို့တွင်းလမ်းများ၌ ဖြစ်စေ ကားမှန်တံခါးများ ချပြီးမှသာ မောင်းနှင်သွားလာကြရန် PRDFက မေတ္တာရပ်ခံထားသည်။

ထို့ပြင် စစ်ကောင်စီတပ်ဖွဲ့ဝင်များ၊ ၎င်းတို့နှင့် သက်ဆိုင်သည့် ရိက္ခာများ၊ ကုန်များ၊ လက်နက်များ စသည်တို့ကို သယ်ဆောင်ပေးခြင်း လုံး၀ မပြုလုပ်ရန်လည်း မေတ္တာ ရပ်ခံထားသည်။

Public Service Announcement

လိုက်နာခြင်းမရှိဘဲ စစ်ကောင်စီတပ်သားများနှင့် ၎င်းတို့၏ ပစ္စည်း ရိက္ခာများ၊ ကုန်များ တင်ဆောင်လာခြင်း၊ ကားမှန်မချဘဲ မောင်းနှင်လာခြင်းတို့ကြောင့် မှားယွင်း ပစ်ခတ်ခြင်း မိုင်းဆွဲမိခြင်း ဖြစ်ပါက တာဝန်ယူမည်မဟုတ်ဟုလည်း ပုလောဒေသကာကွယ်ရေးတပ်က သတင်းထုတ်ပြန်သည်။