MRTV – 4 ဇာတ်လမ်းတွဲ မင်းသားတစ်လက်ဖြစ်တဲ့ ဟိန်းထက်ရဲ့အဘိုးဖြစ်သူကို မင်္ဂလာဒုံမြို့နယ်က နေအိမ်မှာ ရန်ကုန်သွေးသောက်အဖွဲ့က ပစ်သတ်လိုက်တယ်လို့သိရပါတယ်။
မင်္ဂလာဒုံမြို့နယ် ၊ရွှေနံသာကျေးရွာအုပ်စု က နေအိမ်မှာ ဒီနေ့မွန်းလွဲပိုင်း ၂ နာရီလောက်မှာ သွေးသောက်အဖွဲ့က ပစ်သတ်သွားတာပါ။
မင်းသားဟိန်းထက်ကလည်း” ကျနော့်အိမ်ကို လူတစ်စု သေနတ်နဲ့လာပစ်သွားတယ်။အဖိုး သေနတ်မှန်ပြီး ဆုံးသွားပြီ” လို့ သူရဲ့လူမှုကွန်ရက်မှာ ရေးသားထားပါတယ်။
မင်းသားဟိန်းထက်ဟာ စစ်အာဏာရှင်ဆန့်ကျင်ရေး မှာပါဝင်လို့ ဖမ်းဝရမ်းထုတ်ခံရသူပြီး လက်နက်ကိုင်တော်လှန်ရေးကို ဆင်နွှဲနေသူဖြစ်ပါတယ်။
Public Service Announcement
သွေးသောက်အဖွဲ့ဆိုတာကတော့ ပြီးခဲ့တဲ့ရက်ပိုင်းက မန္တလေးမှာ NLD ပါတီဝင်တွေ၊ ထောက်ခံသူတွေကို ဖမ်းဆီးသတ်ဖြတ်တာတွေလုပ်ခဲ့တဲ့အဖွဲ့ဖြစ်ပါတယ်။
