ထားဝယ်ခရိုင်၊ သရက်ချောင်းမြို့နယ်၊ ပန်းပြင်ရွာနှင့် သရက်နှစ်ခွရွာကြားရှိ စစ်ကောင်စီစစ်ရေးဂိတ်ကို ဒေသခံကာကွယ်ရေးတပ်ဖွဲ့ လေးဖွဲ့က ဝင်ရောက်တိုက်ခိုက်စီးနင်းရာ စစ်ကောင်စီတပ်သား ၇ ဦး သေဆုံးခဲ့ကြောင်း သရက်ချောင်းအခြေစိုက် ဒေါင်းမင်းစစ်ဆင်ရေး (TCY-PDF)က ယနေ့ သတင်းထုတ်ပြန်သည်။
အဆိုပါစစ်ကောင်စီစစ်ဆေးရေးဂိတ်စခန်းကို ဧပြီ ၂၀ ရက် မနက် ၅နာရီခန့်က ဝင်ရောက်ပစ်ခတ်ခဲ့ခြင်းဖြစ်ပြီး သေနတ် တစ်လက် သိမ်းဆည်းရမိသည်ဟု ဒေါင်းမင်းစစ်ဆင်ရေးအဖွဲ့က ထုတ်ပြန်ချက်တွင်ဖော်ပြထားသည်။
စစ်ကောက်စီဂိတ်စခန်းကို တိုပ်ခိုက်နေစဉ် သရက်ချောင်းမြို့မှ စစ်ကူလာသည့် စစ်ကောင်စီတပ်ကား ၃ စီးကိုလည်းမိုင်းဆွဲတိုက်ခိုက်ခဲ့သေးသည်ဟုသိရသည်။ တိုက်ပွဲ ဖြစ်ပွားချိန် ၂နာရီခန့်ကြာမြင့်ခဲ့သည်ဟုလည်းသိရသည်။
ထိုတိုက်ပွဲကို သရက်ချောင်းမြို့နယ်၊ ပြည်သူကာကွယ်ရေးတပ်ဖွဲ့များဖြစ်သည့် ဒေါင်းမင်းစစ်ဆင်ရေးအဖွဲ့(TYC-PDF)၊သရက်ချောင်းမြို့နယ်ပြည်သူ့ကာကွယ်ရေးပျောက်ကြားတပ်ဖွဲ့၊ Dawei Defense Force နှင့် ထားဝယ်မြို့နယ်ပြည်သူကာကွယ်ရေးတပ်ဖွဲ့ (ပကဖ)တို့က ပူးပေါင်းတိုက်ခိုက်ခဲ့ခြင်းဖြစ်သည်။
Public Service Announcement
