စစ်ကောင်စီတပ်က အကြမ်းဖက်လုပ်ရပ်များလုပ်ဆောင်နေသည်ဟု ပြည်သူ့ကာကွယ်ရေးတပ်ဖွဲ့(တမူးမြို့) တပ်ရင်း – ၁ ပြော
စစ်ကိုင်းတိုင်း တမူးမြို့တွင် အကြမ်းဖက်စစ်ကောင်စီတပ်က ပြည်သူ့ကာကွယ်ရေးတပ်(PDF) အသွင်ဆောင်ကာ အများပြည်သူသွားလာနေသည့် ကားလမ်းနှင့် ကျေးရွာများကို ဝင်ရောက်လှုပ်ရှားနေသည်ဟု ပြည်သူ့ကာကွယ်ရေးတပ်ဖွဲ့ (တမူးမြို့)တပ်ရင်း – ၁က ယနေ့ သတိပေးထုတ်ပြန်လိုက်သည်။
စစ်ကောင်စီတပ်သားများသည် ထိုသို့ အသွင်ဆောင်ဝင်ရောက်လှုပ်ရှားပြီး တော်လှန်ရေးအင်အားစုများ၏ သတင်းကို စုံစမ်းထောက်လှမ်းခြင်း၊ ဖမ်းဆီးနှိပ်စက်သတ်ဖြတ်ခြင်း၊ ဆက်ကြေးကောက်ခံခြင်း၊ ဓားပြတိုက်လုယက်ခြင်း၊ မုဒိန်းကျင့်ခြင်းစသည့် အကြမ်းဖက်လုပ်ရပ်များ လုပ်ဆောင်နေသည်ဟု ဆိုသည်။
ထို့အ့အင် PDF-တမူး တပ်ရင်း-၁ ၏ အမှတ်တံဆိပ်(Logo)တပ်ဆင်ထားသည့် (Uniform)ဝတ်စုံများကိုဝတ်ဆင်အသုံးပြု၍ လူမှုကွန်ရက်တွင် ငွေကြေး၊ရိက္ခာများ၊အလှူခံခြင်း၊ တပ်ရင်း-၁ တပ်ဖွဲ့ဝင်များ၏ ပုံသဏ္ဍန်ဖြင့် လှုပ်ရှားသွားလာခြင်း၊ အင်တာနက် စာမျက်နှာ(Page) အမည်အမျိုးမျိုးဖြင့်အလှုခံကာ အလှူရှင်များအား ဂုဏ်ပြုမှတ်တမ်းလွှာ (Certificate)ထုတ်ပေးရာတွင် မိမိတို့ တပ်ရင်း – ၁ အမည်ကို အသုံးချနေသည်ဟု အသိပေးထားသည်။
Public Service Announcement
ထိုသို့ အလွဲသုံးစားပြုမူများကို လုံးဝမလုပ်ဆောင်ရန် ပြင်းပြင်းထန်ထန် သတိပေးတားမြစ်သည်ဟုလည်း PDF(တမူး)က ဆိုသည်။
ထို့အပြင် တမူး-အောင်ဇေယျလမ်းပိုင်းနှင့် ဘေးဝဲယာရှိ ကျေးရွာနေပြည်သူများအနေဖြင့် အကြောင်းအမျိုးမျိုးဖြင့်သွားလာရန် ကိစ္စရှိပါက PDF(တမူး) တပ်ရင်း-၁ ကို အသိပေးပြီးမှသာ သွားလာရန်လည်း PDF(တမူး)က မေတ္တာရပ်ခံထားသည်။
