ရန်ကုန်တိုင်း သန်လျင်မြို့နယ်စီမံအုပ်ချုပ်ရေးအဖွဲ့ဝင်၊ သွေးသောက်အဖွဲ့ခေါင်းဆောင် ရန်နိုင်ရွှေအား သုတ်သင်ရှင်းလင်းခဲ့ဟု သန်လျင်ပြည်သူ့ကာ ကွယ်ရေးတပ်ဖွဲ့(ပကဖ) ထုတ်ပြန်သည်။
ယနေ့(မေ ၁ ရက်) ညနေ ၆ နာရီ ၁၅ မိနစ်တွင် ဖို့မြေလမ်းထိပ်၌ သေနတ်ဖြင့် ကိုးချက် ပစ်ခတ်ပြီးရှင်းလင်းခဲ့သည်ဟု ဆိုသည်။
“ရန်နိုင်ရွှေဟာ တရားမဝင်အကြမ်းဖက်စစ်ကောင်စီထောက်တိုင် အကြီးစားဖြစ်ပြီး မြို့နယ်စီမံအုပ်ချုပ်ရေးကောင်စီအဖွဲ့ဝင်၊ ပြည်သူ့စစ်အဖွဲ့ခေါင်းဆောင်၊ သွေးသောက်အဖွဲ့ခေါင်းဆောင်အဖြစ် သန်လျင်မြို့တွင်ဆောင်ရွက်နေသူဖြစ်သည့်အပြင် ၂၀၂၀ရွေးကောက်ပွဲတွင် ကြံ့ဖွတ်အမတ်လောင်းအဖြစ် ဝင်ရောက်အရွေးခံခဲ့သူတစ်ဦးလည်းဖြစ်သည်”ဟု သန်လျင် (ပကဖ)က ပြောသည်။
ထို့အပြင် သန်လျင်မြို့လယ်မှ KBZ ဘဏ် ၏ ATM စက်များနှင့် ကားကိုပါ ကျည်ဆယ်တောင့်ဖြင့်ပစ်ခတ်ခဲ့သည့်အပြင် တောင်ပိုင်ခရိုင်ယာဉ်ထိန်းရုံးအား ပစ်ခတ်ခဲ့ပြီး ရဲတစ်ဦးဒဏ်ရာပြင်းထန်ခဲ့ကြောင်းလည်း အသိပေးသည်။
Public Service Announcement
“ဒီည ၇ နာရီလောက်မှာ သန်လျင်တံတားဘက်ကနေ ရန်ကုန်အတက်ကို ပိတ်လိုက်တယ်”ဟု သန်လျင် ဒေသခံတစ်ဦးက People’s Springသို့ ပြောသည်။
ထို့အပြင် ဒလမြို့နယ်မှ စစ်ကောင်စီနှင့်ပူးပေါင်းကာ ဒေသခံပြည်သူများအား အနိုင်ကျင့်နေသည့် ကရင်(ခ) ချစ်မိုးမှာ ယနေ့ ညပိုင်းတွင် သေနတ်ဖြင့်ပစ်ခတ်ခံရပြီး သေဆုံးသွားကြောင်း သိရသည်။
ဒလမြို့နယ်၊ ကျန်စစ်သားရပ်ကွက်၊ ငထွေရူးလမ်း၊ ဘော်လီဘောကွင်းတွင် ချစ်မိုးမှာ ယနေ့ ညနေ ၅ နာရီ ၅၅ မိနစ်အချိန်က သေနတ်ဖြင့် ပစ်ခတ်ခံရပြီး ဆီးစပ်ထိမှန်ဒဏ်ရာဖြင့် သေဆုံးခဲ့ခြင်းဖြစ်သည်။
