ဖုန်းဖြင့် ဆဲဆို စိန်ခေါ်ခဲ့သော ရေမျက်နီရဲစခန်းအား အထူးကွန်မန်ဒိုတပ်ဖွဲ့မှသွားရောက်တိုက် ခိုက်ရာ စစ်ကောင်စီတပ်သားတစ်ဦးသေပြီး နှစ်ဦးဒဏ်ရာရသည်ဟု YDF (ထီးလင်း) က ထုတ်ပြန် သည်။
စစ်ကောင်စီတပ်သားများ အင်အားဖြည့်တင်း ထားသော ရေမျက်နီရဲစခန်းကို ယနေ့(မေ ၂ ရက်) နံနက် ၅ နာရီခန့်တွင် ပစ်ခတ်တိုက်ခိုက်ခဲ့ရာ မိနစ်(၃ဝ) ခန့် ကြာမြင့်ခဲ့ပြီး စစ်ကောင်စီတပ်သားများထိခိုက်သေဆုံးမှုထပ်တိုးနိုင်ကြောင်း လည်းထုတ်ပြန်ချက်တွင်ဖော်ပြထားသည်။
“အဲဒီရဲစခန်းကို အင်အားတိုးထားတာ စခ ၂၀ ကျော်လောက်ရှိတယ်။တစ်ပတ်နီးပါးရှိပြီပေါ့။ဒီနေ့လည်း ကျောမြို့ (ကပစ ၂၃ ) က စစ်ကားနှစ်စီး ရေမျက်နီရဲစခန်းကို နေ့လည်ပိုင်းမှာရောက် လာတယ်။အင်အားထပ်တိုးတယ်လို့ သုံးသပ်တယ်”ဟု ထီးလင်းပြည်သူ့ကာကွယ်ရေးတပ်ဖွဲ့ဝင်တစ်ဦးက လူထုနွေဦးသို့ ပြောသည်။
သွားရောက်တိုက်ခိုက်ခဲ့သည့် YDF (ထီးလင်း) ဘက်မှ ထိခိုက်မှုမရှိဘဲ အောင်မြင်စွာဆုတ်ခွာနိုင်ခဲ့ကြောင်းလည်းသိရသည်။
Public Service Announcement
လက်ရှိတွင် အကြမ်းဖက်စစ်ကောင်စီ၏ တပ်မ ၁၁ က ထီးလင်းမြို့နယ်တွင်း စစ်ကြောင်းနှစ်ကြောင်းဖြင့် အနောက် တောင်ကြောတစ်လျှောက် နှင့် အရှေ့ တောင်ဘက် တစ်ကြော ဖြန့်ကျက်၍စစ်ထိုးနေသည်ဟု YDF ထီးလင်း က အသိပေးသည်။
ဧပြီ ၁၇ ရက်က ထီးလင်းမြို့နယ် ကျင်းကျေးရွာရဲစခန်းကို ပြည်သူ့ကာကွယ်ရေးတပ်ဖွဲ့ကဝင်ရောက်သိမ်းပိုက်နိုင်ခဲ့ပြီး စခန်းမှူးသေဆုံးကာ လက်နက်ခဲယမ်းအများအ ပြားသိမ်းဆည်းနိုင်ခဲ့သည်။
ထီးလင်းမြို့နယ်အတွင်း စစ်ကောင်စီတပ်မှ စစ်ကြောင်းထိုးနေရာ ဧပြီ ၂၅ ရက်တွင် တစ်ကြိမ်၊ ဧပြီ ၂၉ ရက်တွင် တစ်ကြိမ် YDF(Htilin)နှင့် ထိတွေ့တိုက်ပွဲများဖြစ်ခဲ့သည်။
