စစ်ကိုင်းတိုင်း၊ မြောင်မြို့နယ်တွင်စစ်ကောင်စီတပ်အား သုံးရက်ဆက်တိုက် တိုက်ခိုက်ခဲ့ပြီး ထိခိုက်သေဆုံးမှုများရှိနိုင်ကြောင်းမြောင်မြို့နယ် (T.G.R)ပြည်သူ့ကာကွယ်ရေးတပ်က သတင်းထုတ်ပြန်သည်။
မေလ ၄ ရက်က မြောင်နယ် မင်းတန်းရွာမှထွက်လာသည့် အင်အား ၁၀၀ ခန့်ရှိ အကြမ်းဖက်စစ်ကောင်စီတပ်အား နံနက် ၇ နာရီခွဲခန့်တွင် မင်းတန်းရွာနှင့် သောင်ကြီးရွာကြား၌ မိုင်းဆွဲတိုက်ခိုက်ရာစစ်သားနှစ်ဦး ဒဏ်ရာအပြင်းထန်ရရှိခဲ့ကြောင်းT.G.Rကအသိပေးသည်။
မေလ ၅ ရက်နေ့ နံနက် ၇ နာရီ ၁၀ မိနစ် ခန့်ကလည်း မြောင်မြို့နယ် ကင်းရွာတွင် တပ်ဆွဲထားသောစစ်ကောင်စီတပ်အား ကင်းရွာနှင့် ရွှေဘုံသာရွာကြား၌ မိုင်းဆွဲတိုက်ခိုက်ရာ အကြမ်းဖက်စစ်တပ်ဘက်မှ ထိခိုက်မှုရှိနိုင်သည်ဟုထုတ်ပြန်ချက်တွင်ဖော်ပြထားသည်။
မြောင်မြို့နယ် T.G.R ပြည်သူ့ကာကွယ်ရေးတပ်၊ BGF (Myingyan)၊ 11Brothers၊ ဗိုလ်နေတိုးအထူးပြောက်ကြားအဖွဲ့ B.N.T၊ ဗိုလ်တောက်ထွန်း (MBTT)၊ Saw Bwar Gyi MPDF၊ Burma Phoenix Organization-BPO၊ ပြောက်ကျားလင်းယုန် အဖွဲ့တို့ ပူးပေါင်းတိုက်ခိုက်ခဲ့ခြင်းဖြစ်ပြီး ရဲဘော်များ ထိခိုက်မှုမရှိဆုတ်ခွာနိုင်သည်ဟု ၎င်းတို့က အသိပေးသည်။
Public Service Announcement
ထိုအပြင်မေလ ၆ ရက်နေ့နံနက်ပိုင်းက မြောင်မြို့နယ်၊ မြစ်ဆုံရွာအနီးတွင် အကြမ်းဖက်စစ်တပ်နှင့် ပြည်သူ့ကာကွယ်ရေးအဖွဲ့များ မိနစ်အနည်းငယ်ကြာ တိုက်ပွဲဖြစ်ပွားခဲ့ရာစစ်သားတစ်ဦး လဲကျခဲ့သည်ဟု မြောင်ပြည်သူ့ကာကွယ်ရေးနှင့် လုံခြုံရေးအဖွဲ့ CDSOM တာဝန်ရှိသူက ပြောသည်။
ညနေပိုင်းတွင် အကြမ်းဖက်စစ်တပ်က မြစ်ဆုံရွာရှိ နေအိမ် ၆ လုံးကို မီးရှို့ဖျက်ဆီးခဲ့ပြီး နွားတစ်ကောင်ကို ပစ်သတ်ခဲ့ကြသည်ဟု CDSOM တာဝန်ရှိသူက ပြောသည်။
စစ်ကောင်စီတပ်နှင့် မြောင်ဒေသတွင်းပြည်သူ့ကာကွယ်ရေးအဖွဲ့များကြား မကြာခဏတိုက်ပွဲများယခုရက်ပိုင်းအတွင်းဆက်တိုက်ဖြစ်ပွားနေပြီး အကြမ်းဖက်စစ်ကောင်စီတပ်က ပြည်သူ့နေအိမ်များကိုလည်း မီးရှို့ဖျက်ဆီးမှုများဆက်တိုက် ပြုလုပ်လျက်ရှိသည်။
