အရပ်သားအ​ယောင်​ဆောင်ဖြတ်သန်းသွားလာ​သော စစ်သားသုံးဦးကို KNDF တပ်ရင်း ၃ ဖမ်းဆီး

ကရင်နီနယ်မြေအတွင်း အရပ်သားယောင်ဆောင်ဖြတ်သန်းသွားသည့် စစ်သား၃ ဦးကို ဖမ်းဆီးထိန်းသိမ်းခဲ့ကြောင်း ကရင်နီအမျိုးသားများ ကာကွယ်ရေးတပ်(KNDF) တပ်ရင်း -၃ က သတင်းထုတ်ပြန်သည်။

KNDF တပ်ရင်း-၃ တပ်ခွဲ ၂ နယ်မြေအတွင်း လူစိမ်း ၃ ဦးဖြတ်သန်းသွားလာသည်ကို တာဝန်ကျရဲဘော်များက မသင်္ကာ၍ စစ်ဆေးရာတွင် စစ်ကောင်စီတပ်သားများဖြစ်နေခြင်းကြောင့် ဖမ်းဆီးထိန်းသိမ်းခဲ့​ကြောင်း ဓါတ်ပုံနှင့်တစ်ကွ ​မေလ ၈ ရက်ညတွင်သတင်းထုတ်ပြန်သည်။ အဆိုပါစစ်သားသုံးဦးကိုမည်သို့အ​ရေးယူမည် ဆိုသည်ကိုမူ​ဖော်ပြထားခြင်းမရှိ​ပေ။

ထိုအပြင် KNDFတပ်ရင်း -၃ ထိန်းချုပ်ထားသည့် ဖယ်ဇုံဒေသတွင်း စစ်တပ်ထုတ်ကုန်များ သယ်ဆောင်ခြင်း၊ ရောင်းချခြင်းနှင့် သုံးစွဲခြင်းများ မပြုရန် စစ်ဆေးမှုများဆောင်ရွက်နေပြီး စစ်တပ်ထုတ်ကုန်များ အသုံးမပြုရန်လည်း နိုးဆော်ထားသည်။ ထို​ကြောင့် ဖြတ်သန်းသွားလာ​သောကားများကိုစစ်​ဆေး၍ စစ်တပ်ထုတ်ကုန်ဖြစ်​သောဒဂုံဘီယာနှင့်ရူဘီ​စီးကရက်များကို ဖျက်ဆီးခဲ့သည်ကိုလည်း သတင်းဓါတ်ပုံတွင်​ဖော်ပြထားသည်။

စစ်တပ်ထုတ်ကုန်များရရှိသည့် ငွေသည် ပြည်သူ့ရဲဘော်များ သတ်ဖြတ်မည့် ကျည်ဆံ၊ ပြည်သူ့အိုးအိမ်ဖျက်ဆီးမည့် လက်နက်များကို ပြန်ဝယ်ရန်ဖြစ်သည်။ စစ်တပ်ထုတ်ကုန်ဝယ်ယူမည့်ဆိုလျှင် မီးရှို့ခံရသည့် ပြည်သူ၊ စစ်တပ်မှ မတရားမုဒိန်းကျင့်သတ်ဖြတ်ခဲ့ အမျိုးသမီးငယ်များနှင့် လက်နက်ကြီးထိမှန်ခဲ့သည့် ကလေးငယ်များကို သတိရပေးရန်လည်း KNDFကတိုက်တွန်းထားသည်။

Public Service Announcement

KNDFတပ်ရင်း ၃ သည် စစ်တပ်ထုတ်ကုန်များရောင်းဝယ်ဖောက်ကားခြင်းမပြုရန် အသိပေးချက်ထုတ်ပြန်ထားပြီးလည်းဖြစ်သည်။ ယခုလို အရေးယူမှုသည် ပြည်သူတစ်ဦးတစ်ယောက်၏ စီးပွားရေးကို ဖျက်ဆီးခြင်းမဟုတ်ကြောင်းလည်းဆိုထားသည်။