အသက် ၅၀ ​ကျော်အမျိုးသမီးတစ်ဦးကို အဓမ္မပြုကျင့်​သောအမျိုးသားကို PDFနှင့် ပြည်သူ့ရဲတပ်ဖွဲ့ကဖမ်းဆီး

ကလေးမြို့နယ်တွင် အသက် ၅၀ကျော် အမျိုးသမီးတစ်ဦးကိုအဓမ္မပြုကျင့်ခဲ့သည့်အမျိုးသားကို ​ဒေသခံကာကွယ်​ရေးတပ်များနှင့် က​လေးမြို့ရဲတပ်ဖွဲ့ KPSတို့ ​မေ ၁၄ ရက်တွင်ဖမ်းဆီး​ထာကြောင်းဇိုမီး PDFက ယ​နေ့(မေ ၁၄) ညတွင်သတင်းထုတ်ပြန်သည်။

ဖမ်းဆီးရာတွင်ပါဝင်သည့် ကာကွယ်​ရေးတပ်ဖွဲ့များမှာ PDF(ဇိုမီး)၊ က​လေးမြို့နယ်ပြည်သူ့ကာကွယ်​ရေးအဖွဲ့ (ပကဖ)နင့် က​​လေးမြို့ရဲတပ်ဖွဲ့- KPSတို့ဖြစ်သည်။ မုဒိမ်းမှုကျူးလွန်​ကြောင်းစွပ်စွဲချက်ဖြင့် ဖမ်းဆီးခံရသူမှာ အသက် ၅၀ ဝန်းကျင်ရှိမည်​ဟုခန့်မှန်းရပြီး ၎င်းကိုမည်သို့အ​ရေးယူမည်ကိုမူ ​ဖော်ပြထားခြင်းမရှိ​​​ပေ ။

“အခုလိုအုပ်ချုပ်​ရေးယန္တယား ပျက်စီး ယိုယွင်း​နေချိန်မှာ ပြည်သူ့လုံခြုံ​ရေးအတွက်ကျွန်​တော်တို့ အဓိကထားပြီးရပ်တည်သွားပါမယ်”ဟုဇိုမီး PDF က​ဖော်ပြထားသည်။

ဇိုမီး PDF သည် ချင်းပြည်နယ်တွင် အကြမ်းဖက်စစ်​ကောင်စီတပ်ကို ခုခံတိုက်ခိုက်​နေ​သော ​ဒေသခံကာကွယ်​ရေးတပ်များထဲမှ တစ်ခုဖြစ်သည်။

Public Service Announcement