မူးယစ်ဆေးဝါးရောင်း၀ယ်ဖြန့်ဖြူးနေသူသုံးဦးကို ရှောင်တခင်ဝင်ရောက်ဖမ်းဆီးရာ WYဆေးပြား ၃,၀၀၀ကျော်နှင့်အတူဖမ်းဆီးရမိကြောင်း ကရင်နီအမျိုးသားများကာကွယ်ရေးတပ်(KNDF) တပ်ရင်း – ၉က ယနေ့(မေ ၁၇ ရက်) တွင် ထုတ်ပြန်သည်။
ဖမ်းဆီးမှုဖြစ်စဥ်အရ ယမန်နေ့ ည ၇ နာရီခန့်တွင် အဆိုပါမူးယစ်ရောင်းဝယ်ဖြန့်ဖြူးသူများ၏ နေအိမ်တွင် ကရင်နီတပ်မတော်(KA)နှင့်အတူ ပူးပေါင်းဖမ်းဆီးခဲ့သည်ဟု ဆိုသည်။
ဖမ်းဆီရမိသူသုံးဦးထံမှ WYအနီရောင်စာတန်းပါ ဆေးပြားအလုံးရေ ၃,၂၀၀ခန့်ကိုလည်း တပါးတည်းသိမ်းဆည်းရမိပြီး တိကျမှန်ကန်မှန်မှုရှိစေရန် စစ်ဆေးမှုများပြုလုပ်၍ သက်ဆိုင်ရာတာ၀န်ရှိသူများထံသို့ လွှဲပြောင်းခဲ့ကြောင်း အသိပေးထားသည်။
နောင်တွင်လည်း လူငယ်များအား ဖျက်ဆီးမှုပြုလုပ်နေသည့် တရားမ၀င်မူးယစ်ဆေးဝါး ပို့ချဖြန့်ဖြူးနေသူများအားလုံးကို ဖမ်းဆီးအရေးယူသွားမည်ဖြစ်ကြောင်း ထုတ်ပြန်ချက်၌ ဖော်ပြသည်။
Public Service Announcement
ကရင်နီ(ကယား)ပြည်နယ်တွင် မူးယစ်ဆေးဝါး သုံးစွဲ၊ရောင်းဝယ်ဖောက်ကားမှုကို လုံးဝ လက်သင့်ခံမည်မဟုတ်ဘဲ ထိရောက်စွာအရေးယူသွားမည်ဟု ကရင်နီတပ်ပေါင်းစုများက သတိပေး ထုတ်ပြန်ထားသည်။
ထိုအမှုများနှင့်ဆက်စပ်သူများကိုလည်း ဖမ်းဆီးချုပ်နှောင်ထားကြောင်း ကရင်နီပြည်ရဲဌာန KSP ဌာနမှူး ဆိုတေးရိုက ပြောသည်။
