Connect with us

Hi, what are you looking for?

News

ထားဝယ်မြို့အ​ရှေ့ဘက်တွင် စစ်​ကောင်စီတပ်ကို PDFကတိုက်ရာ ၂၀ ခန့်​သေဆုံးဟု​ပြော

ဧပြီ ၂၄ ရက် ထားဝယ်မြို့နှင့် ဆယ်မိုင်ခန့်သာ ဝေးသည့် ပကာရီရဲစခန်းကို ဒေသခံကာကွယ်ရေးတပ်များ ဝင်ရောက်တိုက်ခိုက်ခဲ့ပြီးနောက် ထားဝယ်အရှေ့ဘက်ခြမ်းတွင် စစ်ကောင်စီတပ်က စစ်အင်အားဖြည့်တင်းကာ စစ်ရေးတင်းမာလျက်ရှိသည်။

ထားဝယ်မြို့ အရှေ့ဘက် ပကာရီရွာနှင့် ဆီပင်ကောက်ရွာကြားတွင် စစ်ကြောင်းထိုးလာသည့် အကြမ်းဖက်စစ်ကောင်စီတပ်ကို ကြားဖြတ်တိုက်ခိုက်ရာတွင် စစ်ကောင်စီတပ်သား ၂၀ ခန့်သေဆုံးကြောင်း ပြည်သူ့ကာကွယ်​ရေးတပ်မ​​တော်(ထားဝယ်ခရိုင်)က သတင်းထုတ်ပြန်သည်။

ပကာရီ-ဆီပင်ကောက်ချိတ်လမ်းအတိုင်း စစ်ကြောင်းထိုးလာသည် စစ်ကောင်စီတပ်ကို မေ ၁၄ ရက်က ကြားဖြတ်မိုင်းတိုက်ခိုက်ခဲ့ပြီးနောက် တိုက်ပွဲဖြစ်ပွားခဲ့ခြင်းဖြစ်သည်ဟု ထုတ်ပြန်ထားသည်။

ထုတ်ပြန်ချက်အရ မိုင်းဆွဲတိုက်ခိုက်ရာတွင် ၁၅ ဦးကျော်သေဆုံးပြီး ၁၇ ဦး ထိခိုက်ဒဏ်ရာရရှိခဲ့သည်ဟုပါရှိသည်။ မိုင်းဆွဲပြီး​နောက် နှစ်ဖက် အပြန်အလှန်ပစ်ခတ်ရာတွင်လည်း စစ်ကောင်စီတပ်သား ၅ ဦးထပ်မံသေဆုံးခဲ့သည်ဟု ပြည်သူ့ကာကွယ်​ရေးတပ်မ​တော်(ထားဝယ်ခရိုင်)က ဆိုထားသည်။

စစ်​ကောင်စီတပ်သေဆုံးမှုနှင့် ထိခိုက် ဒဏ်ရာရရှိမှု အရေအတွက်ကို People’s Spring က သီးခြား အတည်ပြုနိုင်ခြင်းမရှိသေးပေ။ ထိုပွဲတွင် ပြည်သူ့ကာကွယ်ရေးတပ်များမှ အထိအခိုက်မရှိ အောင်မြင်စွာဆုတ်ခွာနိုင်ခဲ့ဟုလည်း​ဖော်ပြထားသည်။

Public Service Announcement

Public Service Announcement

“စခ(စစ်​ကောင်စီတပ်) လာ​နေတာ သိလို့ ပ​ဒေသာမိုင်း​ထောင်ပြီး ​ဖောက်ခွဲလိုက်တာ။” ဟု ​ဒေသခံကာကွယ်​ရေးတပ်နှင့်နီးစပ်သူတစ်ဦး​ပြောသည်။

“အဲ့ဘက်အခြမ်းမှာ သတ္တုမိုင်းတွင်းရှိတော့ မိုင်းဖောက်ခွဲမှုတွေကိုကျွမ်းကျင်ကြတယ်။ သုံးတဲ့ မိုင်းတွေကလည်း ပြင်းအားကောင်းတဲ့ မိုင်းတွေ သုံးနိုင်တယ်။ ဒါကြောင့် ဒီလောက်အသေအပျောက်များတာဖြစ်နိုင်တယ်”ဟု ဒေသခံတစ်ဦးက မှတ်ချက်ပေးသည်။

ဧပြီ ၂၄ ရက် ထားဝယ်မြို့နှင့် ဆယ်မိုင်ခန့်သာ ဝေးသည့် ပကာရီရဲစခန်းကို ဒေသခံကာကွယ်ရေးတပ်များ ဝင်ရောက်တိုက်ခိုက်ခဲ့ပြီးနောက် ထားဝယ်အရှေ့ဘက်ခြမ်းတွင် စစ်ကောင်စီတပ်က စစ်အင်အားဖြည့်တင်းကာ စစ်ရေးတင်းမာလျက်ရှိသည်။

မေ ၈ရက်ကစတင်ပြီး ထားဝယ်မြို့အရှေ့ဘက်ခြမ်းကို သရက်ချောင်းမြို့နယ်ဘက်ရှိ ဇလွန်းရွာနှင့် ညောင်ဇင်ရွာတို့မှ တဆင့် တလိုင်းတောင်၊ဆီပင်ကောက်၊ ကသန်း၊ တောင်ပို့ရွာများကို စစ်ကောင်စီတပ်များ အင်အားအလုံးအရင်းဖြင့် ဖြည့်တင်းခဲ့သည်။

မေ ၉ ရက်တွင်လည်း ထားဝယ်မြို့နယ်၊ သဗျာရွာတွင် စစ်ကောင်စီတပ်နှင့် ဒေသခံကာကွယ်ရေးတပ်တို့ကြား ထိတွေ့တိုက်ပွဲဖြစ်ပွားခဲ့သည်။

မေလ ၁၀ ရက်နေ့ညနေ ၃ နာရီခန့်တွင် ကျောက်မဲတောင်ကျေးရွာအုပ်စု၊ ကင်ပွန်းချုံရွာအနီးရှိ စစ်ကောင်စီတပ်စခန်းကို ပြည်သူ့ကာကွယ်ရေးအဖွဲ့တစ်ခုဖြစ်သည့် Eastern Defense Forceက ဝင်ရောက်တိုက်ခိုက်ခဲ့သည်။ မေ ၁၄ ရက်တွင်လည်း ကျောက်မဲတောင်ရွာရှိ ရဲစခန်းတွင် စခန်းချထားသည့် စစ်ကောင်စီတပ်ကို ဒေသခံပြည်သူ့ကာကွယ်ရေးတပ်များက ဝင်ရောက်တိုက်ခိုက်ခဲ့ရာ စစ်​ကောင်စီတပ်မှ နှစ်ဦး​သေဆုံးခဲ့ပြီး ပြည်သူ့ကာကွယ်​​ရေးတပ်မှလည်း နှစ်ဦး ကျဆုံးခဲ့သည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

သတင်း

စစ်တပ်က အင်း​တော်မှာပြည်သူ ၁ဦးကိုသတ်ပြီး ၁ ဦးကိုဖမ်း​​ခေါ်သွား

Facebook