လွိုင်ကော်မြို့လုံခြုံရေးဆောင်ရွက်နေသည့် စစ်ကောင်စီတပ်သားတစ်ဦး ထွက်ပြေးပြီး ဒီးမော့ဆို PDFထံ ခိုလှုံ

လွိုင်ကော်မြို့လုံခြုံရေးအတွက် တာဝန်ယူနေရသည့် စစ်ကောင်စီတပ်မှ တပ်သားတစ်ဦးသည် ယနေ့ (မေလ ၂၈ရက်)တွင် ဒီးမော့ဆို ပြည်သူ့ကာကွယ်ရေးတပ်(PDF) ထံ ခိုလှုံလာကြောင်း ဒီးမော့ဆို PDFက အသိပေးသည်။

ရှမ်းပြည်နယ်(တောင်ပိုင်း) ၊ ခိုလမ်မြို့ ခလရ(၆၆)တပ်ရင်းမှ တပ်သားစောဝေဖြိုးအောင်သည်ဇန်နဝါရီ ၄ရက်တွင် ကယားပြည်တော် လွိုင်ကော်မြို့ ချိကယ်ရပ်ကွက်နယ်မြေ လုံခြုံရေးအရရွှေ့ပြောင်း တာဝန်ထမ်းဆောင်လာသူဖြစ်ပြီး မေလ ၂၅က်တွင် တပ်မှထွက်ပြေးကာ ယနေ့တင် ဒီးမော့ဆို PDF ထံ လာရောက်ခိုလှုံလာခြင်းဖြစ်သည်ဟု ဆိုသည်။

အဆိုပါ တပ်သား စောဝေဖြိုးအောင်သည် လုပ်သက်(၁၂)တိတိတာဝန်ထမ်းဆောင်ခဲ့သော တပ်သားဖြစ်ပြီး စစ်ကောင်စီတပ်၏ လုပ်ရပ်များကိုမကြိုက်၍ တပ်ကိုစွန့်ကာ ပြည်သူ့ဘက်သို့ ခိုလှုံလာခဲ့ခြင်းဖြစ်ကြောင်း ကာယကံရှင်က ပြောကြားသည်ဟု ဖော်ပြထားသည်။

စစ်ကောင်စီတပ်သားများအနေဖြင့် ပြည်သူလူထုပိုင် ပစ္စည်းများ ယူဆောင်ခြင်း၊ နေအိမ်များကို မီးရှို့ခြင်း၊ ပြည်သူလူထုကို ပစ်ခတ်ခြင်း စသည့် မတရားမှုများကို နေ့စဉ် ပြုလုပ်နေသည့်အပေါ် မနှစ်သက်၍ တပ်ကိုစွန့်ခွာခဲ့ခြင်းဖြစ်ကြောင်း ၎င်းက ဆိုသည်။

Public Service Announcement

လာရောက်ခိုလှုံခဲ့သော တပ်သားစောဝေဖြိုးအောင်အား နွေးထွေးစွာ ကြိုဆိုလက်ခံခဲ့ပြီး လိုအပ်သောစစ်ဆေးမေးမြန်းကာ လုံခြုံသည့်နေရာသို့ ပို့ဆောင်ပေးခဲ့သည်ဟု ဒီးမော့ဆို PDFက အသိပေးသည်။

အကြမ်းဖက်စစ်ကောင်စီတပ်ဖွဲ့ဝင်မှ စွန့်ခွာလိုသောတပ်ဖွဲ့ဝင်များကို ဒီးမော့ဆို PDFက နွေးထွေးစွာကြိုဆိုသွားမည်ဖြစ်ပြီး လက်နက်ယူလာပါက ကျပ်သိန်း ၅၀ ဆုချီးမြှင့်မည်ဟု ထုတ်ပြန်သည်။