စစ်တပ်အာဏာသိမ်းပြီးနောက် မန္တလေးမှာကျုးကျော်လို့သတ်မှတ်ထားတဲ့နေရာတွေကို ဆက်တိုက်ဆိုသလိုပဲ ရှင်းလင်းတာတွေ လုပ်နေပါတယ်။
လက်ရှိမှာတော့ မန္တလေး ၊ပြည်ကြီးတံခွန် မြို့နယ် ၊ ဋ ရပ်ကွက် က နေအိမ်တွေကို နေ့ချင်းပြီး ဖယ်ရှားတာတွေ လုပ်နေတာကိုတွေ့ရပါတယ်။
“ရွှေ့ဖို့ အချိန်မပေးဘူး ၊ ဘူဒိုဇာနဲ့ တန်းထိုးပြီး ဖျက်ဆီးသွားတာ ” လို့ ဖယ်ရှားရှင်းလင်းခံရသူတစ်ဦးက လူထုနွေဦးကိုပြောပါတယ်။ ဖယ်ရှားခံရသူတွေက မူလမြေပိုင်ရှင်ဟာ စစ်ကောင်စီတပ်ဖွဲ့ဝင်တွေကို ငွေပေးပြီး ဖယ်ခိုင်းတာတွေရှိနေတယ်လို့ ယူဆတာတွေလည်းရှိနေပါတယ်။
စစ်ကောင်စီရဲ့ ပြောရေးဆိုခွင့်ရှိသူကတော့ မဲနဲ့တက်လာတဲ့အစိုးရမဟုတ်တဲ့အတွက် အခုလို ကျုးကျော်ရှင်းလို့ရတာလို့ ပြောထားတာရှိပါတယ်။
Public Service Announcement
မန္တလေးမှာ စစ်ကောင်စီဟာ မဟာဓာတ်အားလိုင်းအောက်ကနေအိမ်တွေ ၊ မီးရထားသံလမ်းဘေးက အိမ်တွေကို ဦးစားပေးပြီး ရှင်းလင်းတာတွေလုပ်ခဲ့ပါတယ်။ မန္တလေး ၊မြစ်ငယ်မြို့မှာ ဆိုရင် မီးရထားဝန်းအနီးက အိမ်တွေကို တရားမဝင်ကျုးကျော်တွေလို့ဆိုကာ ဖယ်ရှားတာတွေရှိခဲ့ပါတယ်။
