Connect with us

Hi, what are you looking for?

သတင်း

ကျောက်ထု – ပခုက္ကူ လမ်းပိုင်းကို ပြန်အသုံးပြုနိုင်ပြီဖြစ်ကြောင်း ကျောက်ထု PDF အသိပေး

လမ်းပိုင်းအသုံးပြုချိန် ကားလမ်းမကြီး ၏ ဘေးအစပ်များကိုကပ်၍ယာဉ်များ မောင်းနှင်ခြင်း ၊ ကားလမ်းမကြီး၏ဘေး ဝဲ/ယာ တောထဲသို့မည်သည့်အကြောင်းကိစ္စနှင့်မှ ဝင်ထွက်သွားလာခြင်းများ လုံးဝ(လုံးဝ)မပြုလုပ်ကြပါရန် အသိပေးမေတ္တာရပ်ခံကြောင်း ထုတ်ပြန်သည်။

ကျောက်ထု - ပခုက္ကူ လမ်းပိုင်း
ကျောက်ထု - ပခုက္ကူ လမ်းပိုင်း

▪️လမ်းမဘေးအစပ်များ ကပ်မောင်းခြင်းမပြုရန် နှင့် လမ်းမဘေးဝဲ/ယာ တောထက်မဝင်ရန် မေတ္တာရပ်ခံ

စစ်ကောင်စီတပ်ယာဉ်တန်းများ ဖြတ်သန်းသွားလာခြင်း အပါအဝင် စစ်ရေးအခြေအနေကြောင့် သွားလာခြင်းမပြုရန် တားမြစ်ထားသည့် ကျောက်ထု – ပခုက္ကူ လမ်းပိုင်းကို ယနေ့မှစ၍ ပြန်လည်အသုံးပြုနိုင်ကြောင်း ကျောက်ထု ပြည်သူ့ကာကွယ်ရေးတပ်(PDF)က ထုတ်ပြန်သည်။

အဆိုပါလမ်းပိုင်းကို မေလ ၁၂ရက်မှစ၍ ပိတ်ထားခြင်းဖြစ်ပြီး လဝက်အကြာတွင် ယခုကဲ့သို့ ပြန်လည် အသုံး ပြုနိုင်ကြောင်း ထုတ်ပြန်ခဲ့ပြီး လမ်းအသုံးပြုခြင်းဆိုင်ရာ အသိပေးမှုများကို ဖော်ပြသည်။

လမ်းပိုင်းအသုံးပြုချိန် ကားလမ်းမကြီး ၏ ဘေးအစပ်များကိုကပ်၍ယာဉ်များ မောင်းနှင်ခြင်း ၊ ကားလမ်းမကြီး၏ဘေး ဝဲ/ယာ တောထဲသို့မည်သည့်အကြောင်းကိစ္စနှင့်မှ ဝင်ထွက်သွားလာခြင်းများ လုံးဝ(လုံးဝ)မပြုလုပ်ကြပါရန် အသိပေးမေတ္တာရပ်ခံကြောင်း ထုတ်ပြန်သည်။

Public Service Announcement

Public Service Announcement

လိုအပ်၍ ထုတ်ပြန်ထားသောစည်းကမ်းများအားလိုက်နာဆောင်ရွက်ပေးခြင်းဖြင့် ကူညီပေးကြပါရန်နှင့် လိုက်နာမှုမရှိ၍ ဖြစ်ပေါ်လာမည့် အကျိုးဆက်များအား မိမိတို့ကိုယ်တိုင်သာအပြည့်အဝတာဝန်ယူရမည် ဖြစ်ကြောင်း ကျောက်ထု PDFက သတိပေးခဲ့သည်။

ချင်းပြည်နယ် မတူပီသို့ စစ်အင်အားနှင့် လက်နက်ခဲယမ်း၊ ရိက္ခာများ သွားရောက်ပို့ဆောင်သည့် ယာဉ်စီးရေ ၈၀ကျော်ယာဉ်တန်းသည် မတူပီမှ ဧပြီ ၂၇ရက်တွင် ပြန်လည်ထွက်ခွာလာရာ မတူပီ – မင်းတပ်- ကျောက်ထု – ပခုက္ကူအတိုင်း ပြန်လာရာ လမ်းတလျှောက်တွင် သက်ဆိုင်ရာဒေသရှိ ချင်းကာကွယ်ရေးတပ်(CDF)နှင့် ပြည်သူ့ကာကွယ်ရေးတပ်(PDF) တပ်များက တိုက်ခိုက်ခဲ့ကြသည်။

ဆက်စပ်သတင်းများ

သတင်း

သီတင်းကျွတ်ကာလမှာ စစ်တပ်က မကွေးတိုင်း၊ မြိုင်နဲ့ ပခုက္ကူမြို့နယ်က ဘုန်ကြီးကျောင်းတွေကို လေကြောင်းကနေ ဗုံးကြဲဖျက်ဆီးခဲ့တယ်လို့ ဒေသခံတချို့က ပြောပါတယ်။

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

သတင်း

စစ်တပ်က အင်း​တော်မှာပြည်သူ ၁ဦးကိုသတ်ပြီး ၁ ဦးကိုဖမ်း​​ခေါ်သွား

Facebook