ရွှေကူနယ်တွင် သင်္ဘောလုံခြုံရေးစစ်ကြောင်းကို တိုက်ခိုက်ရာ စစ်ကောင်စီတပ် သေဆုံးထိခိုက်ရှိဟု မြို့လှ PDF အသိပေး

ကချင်ပြည်နယ် ရွှေကူမြို့နယ်တွင် သင်္ဘောလုံခြုံရေး စစ်ကြောင်းကို မြို့လှ ပြည်သူ့ကာကွယ်ရေးတပ်(PDF) က တိုက်ခိုက်ခဲ့ရာ စစ်ကောင်စီတပ်မှ သေဆုံးထိခိုက်မှုရှိခဲ့သည်ဟု မြို့လှ PDFက ယနေ့ ထုတ်ပြန်သည်။

ယမန်နေ့ (ဇွန်လ ၃ရက်) မွန်းလွဲပိုင်း၌ သင်္ဘောလုံခြုံရေးယူရန် မိုးစစ်ရွာဘက်မှ ဆင်တပ်ရွာဘက်သို့ ခြေလျင် စစ်ကြောင်းထိုးလာသည့် အင်အား ၄၀ပါ စစ်ကောင်စီတပ်ကို မြို့လှ PDF အရံတပ်မှ လမ်းခုလတ်တွင် ကြားဖြတ်တိုက်ခိုက်ခဲ့သည်ဟု ဆိုသည်။

စစ်ကောင်စီတပ်စစ်ကြောင်းကို လက်လုပ်ရှေ့ထွက်မိုင်း ၄လုံးအပြင် လက်ထောက်ကျည် (40 mm) အချို့ဖြင့် စောင့်ကြိုပစ်ခတ် တိုက်ခိုက်ခဲ့ပြီး စကစဘက်မှ လက်ထောက်သီးကျည်များ ပစ်ခတ်ခဲ့ကြောင်း၊ ထို့ပြင် ရွှေကူဆိပ်ကမ်းရှိ စစ်သင်္ဘောပေါ်မှ လက်နက် ကြီးများဖြင့် အဆက်မပြတ် ပြန်လည်ပစ်ခတ်ခဲ့ကြောင်း ဖော်ပြထားသည်။

အပြန်အလှန် ပစ်ခတ်မှု မိနစ်၃၀ခန့်ကြာမြင့်ခဲ့ပြီး စစ်ကောင်စီဘက်မှ ထိခိုက်ကျဆုံးရှိနိုင်ကြောင်း၊ ၈ ဦးခန့် ဒဏ်ရာရသွားခဲ့ကြောင်း ထုတ်ပြန်ခဲ့ပြီး မြို့လှ KPDF အရံတပ်မှ ထိခိုက်မှုမရှိအောင်မြင်စွာ အသာစီးရယူနိုင်ခဲ့ကြောင်း ဖော်ပြသည်။

Public Service Announcement