▪️ဦးဂျင်မီနှင့် ဦးဖြိုးဇေယျာသော်အပါအဝင် လူလေးဦးအား ကွပ်မျက်ရန် စစ်ကောင်စီ၏ ဆုံးဖြတ်ချက်ကို ရှုတ်ချကြောင်းဖော်ပြ၍ ဆန္ဒပြုထား
နောင်တချိန်တွင် ခွင့်မလွှတ်နိုင်လောက်မည့် အမှားမျိုးများ ရှောင်ရှားနိုင်ကြပါစေလို့ဆန္ဒပြုပါတယ်ဟု ဗိုလ်ချုပ်ဂွန်မော်က ရေးသား၍ ဦးဂျင်မီနှင့် ဦးဖြိုးဇေယျာသော် အပါအဝင် လူလေးဦးအား ကွပ်မျက်ရန် စစ်ကောင်စီ၏ ဆုံးဖြတ်ချက်ကို ရှုတ်ချကြောင်းဖော်ပြခဲ့သည်။
မြန်မာနိုင်ငံဆိုင်ရာ ပြင်သစ်သံရုံးက စစ်ကောင်စီ အနေဖြင့် ဦးဂျင်မီဟု လူသိများသော စာရေးဆရာ ကျော်မင်းယု၊ အမျိုးသားဒီမိုကရေစီအဖွဲ့ချုပ် ပြည်သူ့ လွှတ်တော်ကိုယ်စားလှယ်ဟောင်း ဖြိုးဇေယျာသော်တို့ အပါအဝင် လူလေးဦးကို ကွပ်မျက်ရန် ဆုံးဖြတ်ကြောင်း ယနေ့ ကြေညာခဲ့ခြင်းကို ပြင်သစ်နိုင်ငံမှ ပြင်းပြင်း ထန်ထန် ရှုတ်ချကြောင်း ထုတ်ပြန်ချက်ကို ဗိုလ်ချုပ်ဂွန်မော်က ဖော်ပြခဲ့ခြင်းဖြစ်သည်။
၈၈ မျိုးဆက်ကျောင်းသားခေါင်းဆောင် ဦးဂျင်မီနှင့် ဦးဖြိုးဇေယျာသော်အပါအဝင် လူလေးဦးကို နိုင်ငံတစ်ဝန်း စစ်ကောင်စီ၏ သေဒဏ်အတည်ပြုခြင်းနှင့် စစ်ကောင်စီ လက်အောက်ခံတားရုံးများက ချမှတ်သည့် ပြစ်ဒဏ်အားလုံးသည် မြန်မာနိုင်ငံ၏ တည်ဆဲဥပဒေများနှင့် အပြည်ပြည်ဆိုင်ရာ ဥပဒေများကိုပြောင်ပြောင် တင်းတင်းချိုးဖောက်ခြင်းဖြစ်ကြောင်း အမျိုးသားညီညွတ်ရေးအစိုးရ၏ တရားရေးဝန်ကြီးဌာနက ဇွန်လ ၄ရက်တွင် ထုတ်ပြန်ခဲ့သည်။
Public Service Announcement
စစ်ကောင်စီအနေဖြင့် တရားစီရင်ရေးကို ဥပဒေမဲ့အညိုးအတေး အာဃာတများနှင့် စိတ်ထင်ရာ တစ်ဖက်သတ် လုပ်ဆောင်နေခြင်းဖြစ်ပြီး သေဒဏ်ကို အတည်ပြုလုပ်ဆောင်ခြင်းသည် ကြီးလေးသည့်ပြစ်မှုကြီးကို ကျူးလွန်ခြင်းဖြစ်ကြောင်း ဖော်ပြထားပြီး ထိုသို့ဆောင်ရွက်မှုအပေါ် ထိရောက်စွာ အရေးယူသွားမည်ဟု ထုတ်ပြန်သည်။
နောက်ဆက်တွဲ ဖြစ်ပေါ်လာမည့် အကျိုးဆက်များအား လုံးအတွက် အကြမ်းဖက်စစ်ကောင်စီက လုံး၀တာဝန်ခံရမည်ဖြစ်ကြောင်း တရားရေးဝန်ကြီးဌာနက ထုတ်ပြန်ထားသည်။
