'/%3E%3C/svg%3E){kind=small}
ဗုံးခွဲတိုက်တိုက်မှုကြောင့်စစ်ကောင်စီတပ်သားခြောက်ဦးသေ
မန္တလေးတိုင်း စဥ့်ကူးနှင့် မတ္တရာမြို့နယ်ကျား PDFတပ်ပေါင်းစုစခန်း ဝင်ရောက်စီးနင်းခံရစဥ် ဒဏ်ရာရရဲဘော်မှ ဗုံးနှစ်လုံးဖြင့် နေရစ်ခဲ့ပြီး ဗုံးခွဲတိုက်ခိုက်မှုကြောင့် အကြမ်းဖက်စစ်သား ၆ ဦးထက်မနည်းသေဆုံးခဲ့ကြောင်းစဥ့်ကူး မြေပြင်ပြောက်ကျား မဟာမိတ်တပ်ပေါင်းစုက ပြောသည်။
မန္တလေးတိုင်း၊ စဥ့်ကူးမြို့နယ်နှင့် မတ္တရာမြို့နယ်ကြားရှိ သ.စ.မ တပ်ပေါင်းစုစခန်းကို ဇွန်လ ၃ရက်နေ့ နေ့လယ်ပိုင်းက အကြမ်းဖက် စစ်ကောင်စီမှ စစ်ကြောင်းလေးကြောင်းဖြင့် ဝင်ရောက်စီးနင်းခဲ့သည်။
စခန်းအားစီးနင်းရာတွင် လက်နက်ကြီး၊လက်နက်ငယ်များဖြင့် ဆက်တိုက်ပစ်ခတ်၍ဝင်ရောက်ခဲ့သည်။ မြေပြင်ပျောက်ကြား မဟာမိတ်တပ်ပေါင်းစုများက လက်နက်အင်အား၊လူအင်အားမမျှသဖြင့် မိုင်းများဆင်ထားခဲ့ကာ ဆုတ်ခွာခဲ့ရကြောင်း စဥ့်ကူး မြေပြင်ပြောက်ကျား မဟာမိတ်တပ်ပေါင်းစုက ပြောသည်။
Public Service Announcement
ထိုအချိန်တွင် ရဲဘော် ဇီးတူး(02) အားကျည်ထိမှန်ခဲ့ပြီး၊ ဇီးတူးမှသူ့အားဗုံးနှစ်လုံးပေး၍ ထားခဲ့ပြီး အားလုံးအမြန်ဆုတ်ခွာကြရန် ပြောသဖြင့်မတတ်သာသည့်အဆုံးတွင် သူရဲကောင်းဇီးတူးအားထားရစ်ခဲ့ရကြောင်းစဥ့်ကူး မြေပြင်ပြောက်ကျား မဟာမိတ်တပ်ပေါင်းစုက ပြောသည်။
ယမန်နေ့(ဇွန်လ၄ရက်) နံနက်ပိုင်းတွင်မဟာမိတ်တပ်ပေါင်းစု(သ.မ.စ)ရဲဘော်များအား လုံး ဘေးကင်းလုံခြုံသောနေရာသို့ ရောက်ရှိခဲ့သည်။
နေ့လယ် တစ်နာရီခန့်တွင် အကြမ်းဖက်စစ်တပ်မှာ ပြည်သူ့ရဲဘော်များ ဆင်ထားခဲ့သောမိုင်းများကြောင့် မိုင်းခုနှစ်လုံး ဆက်တိုက်ကွဲခဲ့ကြောင်း၊မိုင်းများကွဲမိုင်းများကွဲသံကြားသဖြင့် ဖုန်းများခေါ်ဆိုကြရာ နောက်ထပ်ငါးလုံး ဆက်တိုက်ပေါက်ကွဲခဲ့ကြောင်း စဥ့်ကူး မြေပြင်ပြောက်ကျား မဟာမိတ်တပ်ပေါင်းစုက အသိပေးသည်။
အကြမ်းဖက်စစ်တပ်ဘက်မှ ၆ ဦးထက်မနည်းသေဆုံးပြီး အများအပြား ထိခိုက်ဒဏ်ရာရရှိသွားကြောင်း စဥ့်ကူး မြေပြင်ပြောက်ကျား မဟာမိတ်တပ်ပေါင်းစုက ပြောသည်။
“ပရဟိတကားများခေါက်တုံ့ခေါက်ပြန်သယ်ယူနေရ၊ ကားပေါ်တွင် သွေးအိုင်များ ဖြစ်ထွန်းသွားကြောင်းအသိပေးအပ်ပါတယ်။”ဟု စဥ့်ကူး မြေပြင်ပြောက်ကျား မဟာမိတ်တပ်ပေါင်းစုက ပြောသည်။
အဖွဲ့သားများ၏ အသက်အားလုံးကို မိမိအသက်နှင့်လဲ၍ ရဲဝံ့စွာ ပြန်လည်ခုခံရင်း ကျဆုံးခဲ့ရသော သပိတ်ကျင်းမြို့နယ် ဗိုလ်လင်းယုန်Local ပြောက်ကျားတပ်ဖွဲ့မှ ရဲဘော်02 အား အလေးနီပြုကြောင်း သပိတ်ကျင်းမြို့နယ် (ပကဖ) TBK တောဆင်ရိုင်းပြောက်ကျားတပ်ဖွဲ့က ပြောသည်။
“တစ်ဖွဲ့လုံးကို အကာကွယ်ပေးခဲ့ရင်း အသက်ပေးသွားတဲ့အပြင် ခင်ဗျားရဲ့ ရဲရင့်တဲ့စိတ်နဲ့ ခုခံမှု့ကြောင့် ခွေး၆ကောင် နေရာမှာတင် ပွဲခြင်းပြီးခဲ့တဲ့အပြင် အများအပြားဒဏ်ရာရသွားခဲ့ကြသေးတယ်တဲ့ဗျ။ ခဗျားအသက်ပေးခဲ့ရတဲ့အတွက် ခွေးတွေသေတာတောင် မပျော်နိုင်ခဲ့တော့ဘူး။”ဟုTR အဖွဲ့က ဝမ်းနည်းကြောင်းပြောသည်။
