Connect with us

Hi, what are you looking for?

သတင်း

စစ်​ကောင်စီတပ်စွဲရာ ပျူစောထီးအင်အားကောင်း​သော ကန်နီရွာတွင် မျှော်စင်ပေါ်တက် ကင်းစောင့်နေသည့် ရွာသားတစ်ဦး ပြုတ်ကျသေဆုံး

ရွာပတ်ပတ်လည်ရှိ အပင်မြင့်များပေါ်နှင့် သစ်လုံးအမြင့်များတွင် မျှော်စင်(၆)ခုတည်ဆောက်ထားပြီး ကျေးရွာရှိရွာသားများက နေရောညပါ နေ့စဉ် အလှည့်ကျကင်းစောင့်ပေး​နေရကြောင်း ဒေသခံများက ပြောသည်။

ကန်နီရွာ
ကန်နီရွာ

မကွေးတိုင်း၊ မြိုင်မြို့နယ်တွင် အကြမ်းဖက် စစ်​ကောင်စီ တပ်စွဲထားသည့် ပျူစောထီးအင်အားကောင်းရာ ကန်နီကျေးရွာတွင် မျှော်စင်ပေါ်တက် ကင်းစောင့်နေသည့် ရွာသားတစ်ဦး ပြုတ်ကျသေဆုံးမှုဖြစ်ခဲ့ကြောင်း ​ဒေသတွင်းသတင်းရင်းမြစ်များက ပြောသည်။

ပြီးခဲ့သည့် ဇွန်လ ၄ ရက်က မြိုင်မြို့နယ်၊ ကန်နီကျေးရွာရှိ ရွာသားတစ်ဦးသည် ကင်းစောင့်နေချိန် မျှော်စင်ပေါ်မှ ပြုတ်ကျခဲ့ကြောင်း၊ ဦးနှောက်ထိခိုက်ပြီးနောက် သေဆုံးသွားကြောင်း နွေဦးတော်လှန်ရေး-မြိုင်မြို့က သတင်းထုတ်ပြန်သည်။

ကန်နီကျေးရွာသည် ပျူစောထီးအင်းအားကောင်းသည့် ကျေးရွာတစ်ရွာဖြစ်ပြီး စစ်​ကောင်စီတပ်က အထိုင်ချထားသ​ည်။

ရွာပတ်ပတ်လည်ရှိ အပင်မြင့်များပေါ်နှင့် သစ်လုံးအမြင့်များတွင် မျှော်စင်(၆)ခုတည်ဆောက်ထားပြီး ကျေးရွာရှိရွာသားများက နေရောညပါ နေ့စဉ် အလှည့်ကျကင်းစောင့်ပေး​နေရကြောင်း ဒေသခံများက ပြောသည်။

Public Service Announcement

Public Service Announcement

ယခင်ကလည်း လက်နက်ကိုင်ပျူစောထီးတစ်ဦး မျှော်စင်ပေါ်က ပြုတ်ကျပြီးလက်ကျိုးခဲ့ဖူးကြောင်း၊ ကင်းစောင့်ရန်အမျိုးသားမရှိသည့် အိမ်များနှင့် မစောင့်နိုင်သည့် အိမ်များကို အကြမ်းဖက်စစ်တပ်က ပိုက်ဆံတစ်သောင်းကောက်ခံနေကြောင်း မြိုင်နယ်ခံများက ပြောသည်။

“မြိုင်မှာ ရွာပေါင်း၃၀၀ ကျော်ရှိတဲ့အထဲ ကန်နီနဲ့ သရက်ကန်ကပျူရွာတွေပါ။”လို့ နွေဦးတော်လှန်ရေး-မြိုင်အဖွဲ့ တာဝန်ရှိသူက ပြောသည်။

ကန်နီကျေးရွာရှိ အကြမ်းဖက်စစ်တပ်နှင့် ပျူစောထီးများအား ဒေသတွင်းပြည်သူ့ကာကွယ်ရေးအဖွဲ့များက မကြာခဏ လာရောက်တိုက်ခိုက်ခဲ့ဖူးပြီး မေလလယ်ပိုင်းကလည်း လက်နက်ကြီးများဖြင့် သွားရောက်တိုက်ခိုက်ခဲ့ကြောင်း မဟာမိတ်အဖွဲ့များက ပြောသည်။

မြိုင်မြို့နယ်သည် အကြမ်းဖက်စစ်​ကောင်စီတပ်ကို ခုခံတော်လှန်တိုက်ခိုက်မှု အားကောင်းသည့် ဒေသတစ်ခုဖြစ်ပြီး ကျေးရွာအမြောက်အများလည်း အကြမ်းဖက်စစ်တပ်၏ မီးရှို့ဖျက်ဆီးမှု ခံထားရသည်။

ဆက်စပ်သတင်းများ

သတင်း

ပဲခူးတိုင်း၊ နတ်တလင်းမြို့နယ်မှာ ကင်းပတ်ထွက်လာတဲ့ စစ်တပ်လက်အောက်ခံ ပျူစောထီးအဖွဲ့ဝင်တွေ တိုက်ခိုက်ခံရပြီး ၂ ဦး သေဆုံးခဲ့တယ်လို့ ပဲခူးတိုင်းစစ်ဌာနက ဒီနေ့ အောက်တိုဘာ ၃၀ ရက် ညပိုင်းမှာ ထုတ်ပြန်ပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။