စစ်ကိုင်းတိုင်း၊ မြောင်မြို့နယ်၊ရေလယ်ကျွန်းဒေသသို့စစ်ကြောင်းထိုးလာသည့်စစ်ကောင်စီတပ်အားဒေသတွင်းအဖွဲ့များက ကြားဖြတ်တိုက်ခိုက်ခဲ့ရာ အကြမ်းဖက်စစ်သား ၁၃ ဦးသေဆုံးခဲ့ကြောင်း27 Revolution Forceအဖွဲ့ကသတင်းထုတ်ပြန်သည်။
ဇွန်လ ၇ ရက်နေ့ကမြောင်မြို့နယ်၊ ရေလယ်ကျွန်းဒေသအား အင်အား ၁၀၀ ကျော်ဖြင့် စစ်ကြောင်းထိုးလာသောအကြမ်းဖက်စစ်တပ်အား ရေစကြိုမြို့နယ်ရှိ ကျေးရွာတစ်ရွာအနီးသို့ အရောက်တွင် မဟာမိတ်အဖွဲ့များက ပူးပေါင်းတိုက်ခိုက်ခဲ့ခြင်းဖြစ်သည်။
မဟာမိတ်အဖွဲ့များက လက်နက်ကြီး လက်နက်ငယ်များဖြင့် ကြားဖြတ်တိုက်ခဲ့ရာ အကြမ်းဖက်စစ်သား ၁၃ ဦးသေဆုံးပြီး ထိခိုက်ဒဏ်ရာ ရသူ အများအပြားရှိကြောင်း 27 Revolution Force၏ ထုတ်ပြန်ချက်တွင် ဖော်ပြသည်။စစ်ကောင်စီတပ်သေဆုံးမှုနှင့်ပတ်သပ်၍ People’s Spring ကသီးခြားအတည်မပြုနိုင်သေးပါ။
အဆိုပါတိုက်ပွဲအား မဟာမိတ်အဖွဲ့များဖြစ်သော မြင်းခြံခရိုင်တပ်ရင်း အမှတ်၁ 27 Revolution Force၊ Burmese Guerrilla Force၊ 11 Brother Revolution Force၊ မြင်းခြဲခရိုင်တပ်ရင်း ၃ မြေလတ် PDF အဖွဲ့၊ TTA ပြောက်ကျားတပ်၊ Seven People Defense Force၊ မြောင်မြို့နယ် ကျေးရွာတပ်ပေါင်းစု၊ Thwaythauk Revolution Force၊ Phoenix အထူးပြောက်ကျားတပ်ဖွဲ့၊ သိန်းငှက်ပြောက်ကျားတပ်ဖွဲ့၊ ဒေါင်းညီနောင်အဖွဲ့တို့က ပူးပေါင်းတိုက်ခိုက်ခဲ့ပြီး ပြည်သူ့ရဲဘော်များအထိအခိုက်မရှိဆုတ်ခွာနိုင်ခဲ့ကြောင်း 27 Revolution Forceက အသိပေးသည်။
Public Service Announcement
ထုတ်ပြန်ချက်နှင့်ပတ်သက်၍ 27 Revolution Force အဖွဲ့ထံ ဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပါ။
ချင်းတွင်းနှင့် ဧရာဝတီမြစ်ဆုံရာ စစ်ကိုင်းတိုင်း၊ မကွေးတိုင်းအတွင်းရှိ ရေလယ်ကျွန်းဒေသတွင် အကြမ်းဖက်စစ်တပ်အား ဒေသတွင်းပြည်သူ့ကာကွယ်ရေးအဖွဲ့များပူးပေါင်းကာ ခုခံတိုက်ခိုက်လျက်ရှိသည်။
