စစ်အာဏာရှင်အုပ်ချုပ်မှုကို တိုက်ခိုက်ဆန့်ကျင်နေသော တော်လှန်ရေးတပ်ဖွဲ့များကို မြန်မာစစ်ကောင်စီက အနိုင်ရနိုင်ဖွယ်မရှိဘဲ ဒီမိုကရေစီလမ်းကြောင်းပေါ် ပြန်သွားသင့်ကြောင်း အမေရိကန် အကြီးတန်းသံတမန်က ပြောကြားသည်။
“ဒီကနေ့ လက်တွေ့ကျကျတွေးကြည့်ရင် သူတို့(စစ်ကောင်စီ) ဘယ်လိုနိုင်နိုင်မလဲဆိုတာကို မြင်တွေ့ရဖို့ ခက်ခဲပါတယ်” ဟု အမေရိကန်နိုင်ငံခြားရေးဝန်ကြီးဌာနအတိုင်ပင်ခံပုဂ္ဂိုလ် ဒဲရက်ရှိုလက်က ပြောပါတယ်။
ဆက်လက်ပြီး “သူတို့(စစ်ကောင်စီ)ထိန်းချုပ်နယ်မြေတွေဆုံးရှုံးနေတယ်။ သူတို့စစ်တပ်ဟာ ဆိုးဆိုးရွားရွားအရှုံးတွေနဲ့ ရင်ဆိုင်နေရတယ်” ဟု ၎င်းက ဆိုသည်။
ပြီးခဲ့သည့်သောကြာနေ့က ထိုင်းနိုင်ငံ၊ ဘန်ကောက်မြို့တွင် Reuters နဲ့ အခြားသတင်းထောက် တစ်ဦးတို့နှင့် ဒဲရက်ရှိုလက်တို့တွေ့ဆုံစဉ် မြန်မာစစ်တပ်သည် နိုင်ငံတကာ၌သာမက ပြည်တွင်း၌လည်း အ ထီးကျန်ဖြစ်လာနေပြီး တိုက်ခိုက်မှုများကို ရပ်တန့်ကာ ဒီမိုကရေစီလမ်းကြောင်းပေါ်ပြန်သွားသင့်ကြောင်း ပြောကြားခဲ့သည်။
Public Service Announcement
မြန်မာနိုင်ငံ၌ စစ်အာဏာသိမ်းမှုကို ပြင်းထန်စွာ ရှုတ်ချထားသည့် အမေရိကန်သည် အာဏာသိမ်း စစ်ခေါင်းဆောင်များနှင့်ပါဝင်ပတ်သက်သူများကိုဒဏ်ခတ်အရေးယှုများပြုလုပ်ထားပြီး မြန်မာ့အရေးနှင့်ပတ်သက်၍ အာဆီယံနှင့် စင်ကာပူ၊ အင်ဒိုနီရှား၊မလေးရှားစသည့်နိုင်ငံများနှင့်ပူးပေါင်းလုပ်ဆောင်နေကြောင်း ပြောသည်။
ထို့အပြင် တရုတ်သည် မြန်မာ့အရေးအဖြေရှာရေးတွင်အစိတ်အပိုင်းတစ်ခုဖြစ်နိုင်သည်ဟု မျှော် လင့်ထားကြောင်း အမေရိကန်နိုင်ငံခြားရေးအတိုင်ပင်ခံက ပြောသည်။
Ref : Reuters
