Connect with us

Hi, what are you looking for?

LuduNwayOo

သတင်း

ထောင်တွင်းတရားရုံးကနေအပြန် စောင့်ဖမ်းတာကြောင့် မန္တလေးမှာရှေ့နေတွေ ရုံးချိန်သွားဖို့အခက်တွေ့နေ

အိုးဘိုထောင် တရားခွင်ကနေ အပြန် မှာ ဖမ်းခံရသူတွေ ထဲမှာ မန္တလေးတိုင်းဝန်ကြီးချုပ် ဒေါက်တာဇော်မြင့်မောင်ရဲ့ ရှေ့နေ ပါဝင်သလို ပြီးခဲ့တဲ့ ရက်ပိုင်းကတင် ရှေ့နေ ၃ ဦး ထောင်တွင်းတရားရုံးကအပြန် ဖမ်းခံလိုက်ရပါသေးတယ်။

စစ်ကောင်စီတပ်သားများ
စစ်ကောင်စီတပ်သားများ

မန္တလေးမှာ ရှေ့နေတွေကိုပစ်မှတ်ထားဖမ်းဆီးနေပြီး အိုးဘိုထောင်တွင်းတရားရုံးကနေအပြန်မှာစောင့်ဖမ်းတာတွေကြောင့် ရုံးချိန်းသွားဖို့အတွက် ရှေ့နေတွေအခက်တွေ့နေတယ်လို့သိရပါတယ်။

စစ်အုပ်စုဟာ နွေဦးတော်လှန်ရေးကာလအတွင်း နိုင်ငံရေးပုဒ်မတွေနဲ့ ဖမ်းခံရသူတွေဘက်က လိုက်ပါဆောင်ရွက်ပေးနေတဲ့ ရှေ့နေတွေကို မန္တလေးမှာ ဖမ်းဆီးတာတွေရှိခဲ့တာပါ။

အိုးဘိုထောင် တရားခွင်ကနေ အပြန် မှာ ဖမ်းခံရသူတွေ ထဲမှာ မန္တလေးတိုင်းဝန်ကြီးချုပ် ဒေါက်တာဇော်မြင့်မောင်ရဲ့ ရှေ့နေ ပါဝင်သလို ပြီးခဲ့တဲ့ ရက်ပိုင်းကတင် ရှေ့နေ ၃ ဦး ထောင်တွင်းတရားရုံးကအပြန် ဖမ်းခံလိုက်ရပါသေးတယ်။

ဒီလို ပစ်မှတ်ထားဖမ်းဆီးမှုတွေကြောင့် ရှေ့နေအချို့ တိမ်းရှောင်နေကြရတယ်လို့လည်းသိရပါတယ်။

Public Service Announcement

Public Service Announcement

ဒါကြောင့် လတ်တလောအခြေအနေမှာ ထောင်တွင်းရုံးချိန်းကို မသွားရောက်နိုင်ဘဲ ခွင့်တိုင်တာမျိုးတွေရှိနေတယ်လို့ ရှေ့နေအသိုင်းအဝိုင်းနဲ့နီးစပ်သူတွေထံကသိရပါတယ်။

ပြီးခဲ့တဲ့ တပတ်အတွင်းမှာတင် မန္တလေးမှာ ရှေ့နေ ၅ ဦး ဖမ်းဆီးခံခဲ့ရပါတယ်။ ဖမ်းမိတဲ့သူတွေကို စစ်အုပ်စုဟာ PDF နဲ့ဆက်နွယ်တယ်ဆိုပြီး အကြမ်းဖက်ပုဒ်မနဲ့ အမှုတပ်တာတွေလည်းလုပ်ဆောင်နေတာပါ။

လက်ရှိအချိန်ထိ မန္တလေးမှာ ဖမ်းခံရတဲ့ရှေ့နေ ဦးရေဟာ ၁၅ ဦးခန့်ရှိနေပါပြီ။

စစ်ကောင်စီဟာ ဆန့်ကျင်တဲ့သူတွေကို ဖမ်းဆီးတရားစွဲဆိုရာမှာ အပြင်တရားရုံးကို မထုတ်ဘဲ ထောင်တွင်းမှာပဲ တရားရုံး လုပ်ကာ စစ်ဆေးအမိန့်ချနေတာပါ။

ရှေ့နေ အသိုင်းအဝိုင်းဆီက သိရတာကတော့ စစ်ကောင်စီရဲ့ထောင်တွင်းတရားရုံးတွေဟာ တရားစီရင်သယောင်ဟန်ပြသာဖြစ်ပြီး အမှုရင်ဆိုင်ရသူအားလုံးနီးပါး လွတ်မြောက်တာမရှိဘဲ စွဲဆိုခံရတဲ့ ပုဒ်မရဲ့အမြင့်ဆုံးပြစ်ဒဏ်ကိုချလေ့ရှိတယ်လို့သိရပါတယ်။

ဆက်စပ်သတင်းများ

သတင်း

ပြည်သူ့ကာကွယ်ရေးတပ်မတော်(မန္တလေး)သည် ဇွန်လ ၂၆ ရက်မှစပြီး ညီနောင်မဟာမိတ်(၃)ဖွဲ့၏ ၁၀၂၇ စစ်ဆင်ရေး ဒုတိယလှိုင်းနှင့် ရှမ်းမန်းစစ်ဆင်ရေးများကို ဟန်ချက်ညီညီ ပါဝင်ဖော်ဆောင်နေသည်။

နိုင်ငံတကာ

အမေရိကန် လွှတ်တော်ဖြစ်တဲ့ ကက်ပီတိုလ်ကို ထရမ့်ရဲ့ အမာခံ ကျောထောက်နောက်ခံ အင်အားစုတွေဖြစ်တဲ့ လက်ယာစွန်း အစုအဖွဲ့တွေက စီးနင်းထိန်းချုပ်ခဲ့တာဖြစ်ပြီး ထရမ့်ကတော့ အဲဒီဖြစ်စဉ်မှာ သူဟာ ဘယ်လို ပတ်သက် ဆက်နွှယ်မှုမှ မရှိဘူးလို့ အစဉ်တစိုက် ငြင်းဆိုထားပါတယ်။

သတင်း

မိုးကုတ်မြို့တွင်လည်း တိုက်ပွဲဆက်လက်ပြင်းထန်နေပြီး မြို့ခံများသည် မန္တလေးသို့သွားရောက်တိမ်းရှောင်ရန် ကြိုးစားနေကြသည်။

သတင်း

စစ်ကောင်စီကမူ ခရီးသည်တင်ယာဥ်အား PDFများက ပစ်ခတ်တိုက်ခိုက်ရာမှ ပြည်သူတစ်ဦးသေဆုံးပြီး အများအပြားဒဏ်ရာရကြောင်း ၎င်းတို့ထောက်ခံသည့် တယ်လီဂရန်ချန်နယ်များတွင် ဝါဒဖြန့်နေသည်။