စစ်ရှောင်ပြည်သူ ၄၀၀ ကျော်အတွက် လိုအပ်သောအကူအညီများပေးကြရန် လောင်းရှည် ဒေသလုံးဆိုင်ရာ ပြည်သူ့ကာကွယ်ရေးတပ်ဖွဲ့ LSRPDF(YRPA)က ယနေ့(ဇူလိုင် ၁၂)တွင် မေတ္တာရပ်ခံပန်ကြားလိုက်သည်။
လက်ရှိတွင် LSRPDF(YRPA) ထိန်းချုပ်နယ်မြေအတွင်းမှ စိုက်ခင်းကျေး ရွာ၊ အိုင့်ကြီးကျေးရွာ၊ ဖလံမကျေးရွာ များမှ စစ်ဘေးရှောင်ပြည်သူ ၄၀၀ကျော်အား လိုအပ်သည့် ကာကွယ်စောင့်ရှောက်မှုများကို LSRPDF (YRPA)မှ ကြိုးစားဆောင်ရွက်ပေးနေကြောင်း ဖော်ပြသည်။
“နောက်ထပ်လည်း စစ်ဘေးရှောင်တွေ တိုးလာဦးမယ်လို့သိရပြီး မိုးကာနဲ့ အစားအသောက်က အဓိကဖြစ်နေတယ်ခင်ဗျ”ဟု LSRPDF(YRPA) မှ ရဲဘော်တစ်ဦးက ပြောသည်။
စစ်ဘေးရှောင်ပြည်သူများအတွက် ကျန်းမာရေးနှင့်ညီညွတ်သော နေရာထိုင်ခင်း၊ မိုးကာ၊ စောင်၊ ခြင်ထောင်၊ စားနပ်ရိက္ခာ၊ အဝတ်အထည်၊ တစ်ကိုယ်ရည်သုံးပစ္စည်းများနှင့် ဆေးဝါးများကို အတတ်နိုင်ဆုံး ကူညီရှာဖွေ ထောက်ပံ့ပေးနေကြောင်း ၎င်းက ဆက်ပြောသည်။
Public Service Announcement
ပြီးခဲ့သည့်ရက်ပိုင်းများက ဆော-ဆိတ်ဖြူလမ်းပိုင်းတွင် စစ်ကောင်စီတပ်နှင့် ဒေသကာ ကွယ်ရေးတပ်များတိုက်ပွဲဖြစ်ပွားခဲ့ရာ စစ်ကောင်စီတပ်ဘက်မှ အထိနာခဲ့ပြီး လက်ရှိတွင် အင်အားထပ်မံဖြည့်တင်းနေသောကြောင့် အချိန်မရွေးတိုက်ပွဲဖြစ်လာနိုင်ကြောင်း LSRPDF (YRPA)က အသိပေးထားသည်။
