Connect with us

Hi, what are you looking for?

သတင်း

ဆိပ်ဖြူနယ်တွင် စစ်ကောင်စီတပ်ကို ဒေသခံကာကွယ်ရေးတပ်များ နှင့်ပူးပေါင်း တိုက်ခိုက်ခဲ့ဟု ကျောက်ပန်းတောင်း(KDF)ထုတ်ပြန်

စစ်ကောင်စီတပ်များသည် ရှားလှကျေးရွာနှင့်ဝန်ကြီး‌ကျေးရွာ၏ အနောက်ဘက်တွင်ရှိသော စစ်ရှောင်ပြည်သူများ၏တဲများနှင့်ပစ္စည်းများ မီးရှို့ခဲ့ကြရာ ပြည်သူ့အိုးအိမ်ပစ္စည်း အဆုံးအရှုံး များကြောင်း ထုတ်ပြန်သည်။

ဆိပ်ဖြူနယ်
ဆိပ်ဖြူနယ်

မကွေးတိုင်း ဆိပ်ဖြူမြို့နယ်အတွင်း စစ်ကြောင်းထိုးလာသည့် စစ်ကောင်စီတပ် ကို ဒေသတွင်း ကာကွယ်ရေးတပ်များနှင့်အတူ ပူးပေါင်းတိုက်ခိုက်ခဲ့ကြောင်း ကျောက်ပန်းတောင်း ကာကွယ်ရေး တပ်(KDF)က သတင်းထုတ်ပြန်သည်။

KDF၊ တပ်ရင်း(၇၁၂) ပြည်သူ့စွမ်းအားတပ်ပေါင်းစု(PPC)၊ ရေနံချောင်း PDFတို့ ပူးပေါင်းပြီး စစ်ကောင်စီတပ်စစ်ကြောင်းကို ဇူလိုင် ၁၃ရက်က မိုင်းများဖြင့် တိုက်ခိုက်ခဲ့သည်ဟု ဖော်ပြသည်။

ဆိပ်ဖြူမြို့နယ်၊ရှားလှကျေးရွာအုပ်စု၊ ပိုင်းကျေးရွာ ၊ဝန်ကြီးကျေးရွာ၊ရှားလှကျေးရွာများသို့ အကြမ်းဖက်စ်ကောင်စီတပ်က စစ်ကြောင်း သုံးကြောင်း ဖြင့် တစ်ပြိုင်တည်း ဝင်ရောက် လာကြောင်း၊ အဆိုပါ စစ်ကြောင်းနှင့် ပိုင်းကျေးရွာ၊ ဝန်ကြီးကျေးရွာတို့တွင် အပြန်အလှန် ပစ်ခတ်တိုက်ပွဲဖြစ်ပွားခဲ့ ကြောင်း ထုတ်ပြန်ထားသည်။

ဝန်ကြီးကျေးရွာတွင် ပူးပေါင်းတပ်ဖွဲ့က နေရာ (၅)နေရာ၌ နင်းမိုင်း၊ ဆွဲမိုင်း မိုင်းအကြီးများ စုစုပေါင်း မိုင်း ၁၃လုံး ဖောက်ခွဲတိုက်ခိုက်နိုင်ခဲ့ပြီး စစ်ကောင်စီတပ်က ၁၉ဦးသေဆုံးခဲ့သည်ဟု ဆိုသည်။ မျက်မြင်ကင်းထောက် များ၏ ပြောကြားချက်နှင့် ပူးပေါင်းတပ်ဖွဲ့၏ မျက်မြင် အရေအတွက်အရ စစ်ကောင်စီတပ်မှ ၁၉ဦး သေဆုံးပြီး ၃၀ကျော် ဒဏ်ရာရခဲ့သည်ဟု သိရကြောင်း ဖော်ပြထားသည်။

Public Service Announcement

Public Service Announcement

စစ်ကောင်စီတပ်များသည် ရှားလှကျေးရွာနှင့်ဝန်ကြီး‌ကျေးရွာ၏ အနောက်ဘက်တွင်ရှိသော စစ်ရှောင်ပြည်သူများ၏တဲများနှင့်ပစ္စည်းများ မီးရှို့ခဲ့ကြရာ ပြည်သူ့အိုးအိမ်ပစ္စည်း အဆုံးအရှုံး များကြောင်း ထုတ်ပြန်သည်။

စစ်ကောင်စီအား တော်လှန်ရာတွင် ပြည်သူအားလုံးပူးပေါင်းပါဝင်ပေးကြပါရန် KDFက တိုက်တွန်းထားသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

သတင်း

စစ်တပ်က အင်း​တော်မှာပြည်သူ ၁ဦးကိုသတ်ပြီး ၁ ဦးကိုဖမ်း​​ခေါ်သွား