ဒီးမော့ဆိုမြို့မရဲစခန်းအနီးကင်းလှည့်နေသော စစ်ကောင်စီတပ်ကို လက်ဦးမှု ရယူတိုက်ခိုက်ခဲ့ရာ စစ်ကောင်စီတပ်သား နှစ်ဦးသေဆုံးကြောင်း ပြည်သူ့ကာကွယ်ရေးတပ်-ဒီးမော့ဆို (DMO- Local PDF) က ထုတ်ပြန်သည်။
ယနေ့(ဇူလိုင် ၂၈ ရက်) နေ့လည် ၁၂နာရီခန့်က ပြည်သူ့ကာကွယ်ရေးတပ်-ဒီးမော့ဆို (DMO -Local PDF) ဗျူဟာ (၃)နှင့် အလယ်ပိုင်းတိုင်းတပ်ရင်း (၁၁၀၆)တို့မှ ရဲဘော်များပူပေါင်း၍ တိုက်ခိုက်မှုမှာ ၁၅ မိနစ်ကြာမြင့်ခဲ့သည်ဟု ဆိုသည်။
ပူးပေါင်းတပ်ဖွဲ့သည်ထိခိုက်မှုမရှိပြန်လည်ဆုတ်ခွာနိုင်သည့်အပြင် စစ်ကောင်စီ တပ်ဖွဲ့ နှစ်ဦးကို လည်းသုတ်သင်နိုင်ခဲ့ပြီး တစ်ဦးမှာထိခိုက်ဒဏ်ရာ ရရှိအောင်ပြုလုပ်နိုင်ခဲ့ကြောင်း မြေပြင်သတင်း အရ DMO-Local PDFက အတည်ပြုသည်။
စစ်ကောင်စီအထိုင်ချထားသော မြို့မရဲစခန်းအနီးနေရာတွင် ပြည်သူ့ကာ ကွယ်ရေးတပ်တို့နှင့် တိုက်ပွဲများ မကြာခဏဖြစ်ပွားလျှက်ရှိပြီး ယခုတိုက်ပွဲ မတိုင်မီတွင် ကင်းထောက်လေယာဉ်ဖြင့် နှစ်ကြိမ်ခန့် ပျံသန်းလျက်ရှိကာ မည်သည့်အကြောင်းကြောင့် ပျံသန်းသည်ကို မသိရှိရသေးပေ။
Public Service Announcement
“မြို့နယ်တွင်းမှာ အခြေအနေ မငြိမ်သေးဘူး။တိုက်ပွဲက ဆက်ဖြစ်ဖို့ရှိတယ် “ဟု DMO-Local PDF တာဝန်ရှိသူတစ်ဦးက People’s Springသို့ ပြောသည်။
စစ်ကောင်စီတပ်သည် ၎င်းတို့ခြေကုတ်ထားသောစခန်းတွင် ခံတုတ်ကျင်းများ၊ ဘန်ကာများအား ခိုင်ခန့်အောင်တည်ဆောက်ထားပြီး လက်နက်ခဲယမ်း တောင့်တင်းစွာဖြည့် တင်းလျက်ရှိကြောင်း လည်း အသိပေးသည်။
