မြန်မာနိုင်ငံအလယ်ပိုင်း ဒေသများတွင်း စစ်ဖြစ်ပွားနေ၍ စိုက်ပျိူးရေး လုပ်ငန်းများကို ယခင်နှစ်များ ကဲ့သို့ အားသွန်ခွန်စိုက်လုပ်ကိုင်နိုင်ခြင်း မရှိတော့ကြောင်း ကချင်လွတ်လပ်ရေးအဖွဲ့(KIO) ဥက္ကဋ္ဌ ဗိုလ်ချုပ်ကြီးအင်ဘန်လက ပြောကြားခဲ့ပြီး ဆန်စပါး ပြတ်လပ်နိုင်မှုအပေါ် ကြိုတင်ပြင်ဆင်ကြရန် သတိပေးပြောကြားလိုက်သည်။
ယနေ့ (ဩဂုတ် ၁၀ရက်) ကျရောက်သည့် ကချင်အာဇာနည်နေ့ အခမ်းအနားကို လိုင်ဇာမြို့၌ ကျင်းပရာ KIO ဥက္ကဋ္ဌ ၏ မိန့်ခွန်းတွင် ယခုကဲ့သို့ မှာကြား ခြင်းဖြစ်သည်။
“လာမည့်နှစ်များတွင် မြန်မာနိုင်ငံတဝှမ်း ဆန်ရေစပါး ပြက်လပ်ခြင်းနှင့် ကြုံတွေ့လာနိုင် တာကြောင့် မိမိတို့နေရာဒေသများတွင် ဆန်နှင့် အခြားသီးနှံများ စိုက်ပျိူးထုတ်လုပ်ခြင်းများ အားသွန်ခွန်စိုက် စိုက်ပျိူးကြရန် အလေးအနက် တိုက်တွန်းထားသည့်အပြင် ရရှိထားတဲ့ စားနပ်ရိက္ခာများကိုပါ ချွေတာကြရန်လည်း တိုက်တွန်းနိုးဆော်ထားပါတယ်”ဟု KIO ဥက္ကဋ္ဌ မိန့်ခွန်းပါ အချက်ကို KIO သတင်းနဲ့ ပြန်ကြားရေးဌာနက ဖော်ပြသည်။
ဗမာလူမျိူးကြီးဝါဒ ကြီးစိုးလာခဲ့သည်မှာ နှစ်ပေါင်း(၇၅)နှစ်တိုင် ရှိခဲ့ပြီဖြစ်၍ လူမျိူးကြီးဝါဒနှင့် အာဏာရှင်စနစ် ချူပ်ငြိမ်းရေးအတွက် ပူပေါင်းသင့် ပူးပေါင်းထိုက်သည့် အဖွဲ့အစည်းအားလုံးနှင့် လက်တွဲသွားရမည်ဖြစ်ကြောင်း KIOဥက္ကဋ္ဌက ပြောကြားခဲ့သည်ဟု ဆိုသည်။
Public Service Announcement
အခမ်းအနားတွင် ပြည်ထောင်စု လွှတ်တော်ကိုယ်စားပြုကော်မတီ (CRPH) ပြည်ထောင်စုသမ္မတ မြန်မာနိုင်ငံတော် အမျိူးသားညီညွှတ်ရေးအစိုးရ(NUG) နှင့် အမျိူးသားဒီမိုကရေစီအဖွဲ့ချူပ်တို့မှ ပေးပို့တဲ့သဝဏ်လွှာများကို ဖတ်ကြားခဲ့ကြောင်း ဖော်ပြထားသည်။
