တအာင်းတပ်မတော် (TNLA) တပ်မဟာ (၁)စစ်ဒေသ မူဆယ်မြို့နယ်၊ ပန်စုံကျေးရွာအနီးရှိ TNLA တပ်စခန်းကို စစ်ကောင်စီတပ်က ယမန်နေ့တွင် ပစ်ခတ်တိုက်ခိုက်ခဲ့ကြောင်း TNLA သတင်းနှင့် ပြန်ကြားရေးဌာနက သတင်းထုတ်ပြန်သည်။
သြဂုတ်လ ၁၁ ရက် နေ့လယ်ပိုင်းတွင် လုံကျန်တောင်ရှိ စစ်ကောင်စီတပ်က TNLA တပ်စခန်းအား လက်နက်ကြီး (၁၀) လုံး ၊ လက်နက်ငယ် အများအပြား ပစ်ခတ်ခဲ့သည်ဟု ဖော်ပြသည်။
စစ်ကောင်စီ ပစ်ခတ်ခဲ့သည့် လက်နက်ကြီးများမှာ ပန်စုံကျေးရွာအနီးတွင် ၈ လုံး၊ ကျေးရွာအတွင်း ၂ လုံးကျရောက်ပေါက်ကွဲပြီး အရပ်သားပြည်သူလူထု၏ နေအိမ် (၂)ထိလုံး မှန်ခဲ့သည်ဟု ဖော်ပြထားသည်။
ထိုသို့ တိုက်ခိုက်လာမှုနှင့် ပတ်သတ်ပြီး မေးမြန်းရန် TNLA ထံသို့ ဆက်သွယ်ရာ အဆက်အသွယ် မရသေးပေ။