စစ်ရေး အခြေအနေများကြောင့် ဟွာလ်းငိုးဒေသအတွင်း ပြေးဆွဲနေသည့် ယာဉ်အားလုံးကို မနက်ဖြန် ဩဂုတ် ၁၄ရက်မှစ၍ ရပ်နားပေးကြရန် အသိပေးကြောင်း ချင်းဒေသကာကွယ်ရေးတပ်(CDF)-ဟွာလ်းငိုးရမ် က ထုတ်ပြန်လိုက်သည်။
စစ်ရေးအခြေအနေကြောင့် ဒေသကာကွယ်ရေး တပ်ဖွဲ့များက ရိဒ်-ကလေး ယာဉ်ပြေးလမ်းအား အချိန်အတိုင်းအတာ တစ်ခုအထိ ပိတ်သွားမည်ဖြစ်သည်ဟုဆိုသည်။
အခြေအနေ တည်ငြိမ်မှ ပြန်လည်ဖွင့်လှစ်မည်ဖြစ်ကြောင်း ထုတ်ပြန်ခဲ့သည်။
တီအိုချောင်းမှ တာဟန်း- ကလေး မြို့ဘက် ပြန်လှည့်မည့်ယာဉ်များကိုမူ ဩဂုတ် ၁၅ရက်နေ့အထိ သွားနိုင်မည်ဖြစ်ကြောင်းလည်း အသိပေးထုတ်ပြန်သည်။
Public Service Announcement
CDF-ဟွာလ်းငိုးရမ် သည် ရိဒ်မြို့ရှိ စစ်ကောင်စီတပ်စခန်းများကို တိုက်ခိုက်သည့် စစ်ဆင်ရေးများကို လုပ်ဆောင်ခဲ့သည့် တပ်ဖွဲ့ဖြစ်သည်။
