ဒီနေ့မနက်ပိုင်း ၈ နာရီဝန်းကျင်လောက်က ရတနာပုံတံတားရဲ့ စစ်ကိုင်းဘက်ခြမ်း စစ်ကောင်စီ စစ်ဆေးရေးဂိတ် အနီးမှာအပြန်အလှန်ပစ်ခတ်သံတွေကြားခဲ့ရတယ်လို့အနီးပတ်ဝန်းကျင်မှာနေကြတဲ့ ဒေသခံအချို့က People’s Spring ကိုပြောကြပါတယ်။
အဆက်မပြတ်ပစ်ခတ်သံတွေကို ကြားခဲ့ရတာလို့ ဒေသခံတွေဆိုပါတယ်။
စစ်ကောင်စီ စစ်ဆေးရေးဂိတ်ကနေ ခရီးသည်တင် ကားတစ်စီးကို စစ်ဆေးချိန် အပြန်အလှန်ပစ်ခတ်မှုဖြစ်ခဲ့တာလို့ သတင်းတွေထွက်နေပေမယ့် People’s Spring အနေနဲ့ သီးခြားအတည်ပြုလို့မရသေးပါဘူး။
ပစ်ခတ်မှုဖြစ်ပြီးနောက် တံတားကို ပိတ်ပစ်လိုက်ပြီး မနက် ၉ နာရီဝန်းကျင်လောက်မှာ ပြန်လည်သွားလာခွင့်ပြုလိုက်ပါတယ်။
Public Service Announcement
ရတနာပုံတံတားဟာ ဧရာဝတီမြစ်ကူးတံတားဖြစ်ပြီး မန္တလေးနဲ့ စစ်ကိုင်း ကိုဆက်သွယ်ထားတာဖြစ်ပါတယ်။
