Connect with us

Hi, what are you looking for?

LuduNwayOo

သတင်း

ဒီးမော့ဆိုမြို့ လမ်းမပေါ်တွင် စစ်ကောင်စီတပ်ထောင်ထားသည့်မိုင်းများကို KNDF ရှင်းလင်း

“စစ်ကောင်စီက အများပြည်သူအသုံးပြုနေတဲ့ လမ်းတွေပေါ်မှာ ရည်ရွယ်ချက်ရှိရှိနဲ့ မိုင်းတွေထောင်ထားနေကြဖြစ်တယ်”ဟု KNDF တာဝန်ရှိသူတစ်ဦးက ပြောသည်။

စစ်ကောင်စီက ထောင်ထားသော မိုင်းများအားဖြုတ်သိမ်းပြီးနောက် တွေ့ရစဥ်၊ ဓာတ်ပုံ - KNDF
စစ်ကောင်စီက ထောင်ထားသော မိုင်းများအားဖြုတ်သိမ်းပြီးနောက် တွေ့ရစဥ်၊ ဓာတ်ပုံ - KNDF

ကရင်နီ(ကယား)ပြည်နယ် ဒီးမော့ဆိုမြို့ လမ်းမပေါ်တွင် အကြမ်းဖက်စစ်ကောင်စီတပ် ထောင်ထားသည့် နင်းမိုင်၊ဆွဲမိုင်း နှင့် ကားမိုင်းများကို ရှင်းလင်းနိုင်ခဲ့ကြောင်း ကရင်နီအမျိုးသားများကာကွယ်ရေးတပ်(KNDF)B -19 က ထုတ်ပြန်သည်။

ယမန်နေ့(သြဂုတ် ၁၉ ရက်)က တွေ့ရှိခဲ့သည့်မိုင်းများသည် ရူးဖယ်ခူရပ်ကွက် ၊ကယားလီးဖူး နှစ်ခြင်းဘုရားကျောင်းရှေ့တွင်ဖြစ်ပြီး ၁၆ မိုင်း ခုနစ်လုံး၊ ၁၄ မိုင်း တစ်လုံး ၊ ဆွဲမိုင်းတစ်လုံးနှင့် ကားမိုင်းတစ်လုံး ဖြစ်သည်။

“စစ်ကောင်စီက အများပြည်သူအသုံးပြုနေတဲ့ လမ်းတွေပေါ်မှာ ရည်ရွယ်ချက်ရှိရှိနဲ့ မိုင်းတွေထောင်ထားနေကြဖြစ်တယ်”ဟု KNDF တာဝန်ရှိသူတစ်ဦးက ပြောသည်။

ထို့ကြောင့် ပြည်သူများအနေဖြင့် အသွားအလာအထူးသတိထားကြရန် နှင့် လမ်းခရီးများအသုံး ပြုလျှင်လည်း သက်ဆိုင်ရာတပ်ရင်းများအား မေးမြန်းစုံစမ်း၍သွားကြရန် KNDFက တိုက်တွန်း သည်။

Public Service Announcement

Public Service Announcement

အကြမ်းဖက်စစ်ကောင်စီတပ်၏ မတရားအာဏာသိမ်းပြီး နောက်ပိုင်း ကရင်နီဒေသတွင် တိုက်ပွဲများစွာဖြစ်ပွားခဲ့ပြီး ဒီးမော့ဆို မြို့နယ်မှာ စစ်ဘေးရှောင် အရေအတွက် သောင်းနှင့်ချီရှိခဲ့ပြီး လက်ရှိအချိန်ထိမြို့ကို စွန့်ခွာနေရဆဲ ဖြစ်သည်။

ထို့အပြင် ယခုလဆန်းပိုင်းကစ၍ ဒီးမော့ဆို မြို့နယ်တွင် အကြမ်းဖက်စစ်ကောင်စီက အင်အားတိုးချဲ့ကာ ထိုးစစ်ဆင်လျှက်ရှိပြီး ဒေသခံ ပြည်သူ့ကာကွယ်ရေးတပ်ဖွဲ့များနှင့် မကြာခဏတိုက်ပွဲများ ဖြစ်ပွားနေသည်။

ဆက်စပ်သတင်းများ

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။

သတင်း

ဇွန်လ ၁၅ ရက်ကလည်း တနင်္သာရီမြို့နယ်ရှိ အောင်သာဝစစ်ကောင်စီတပ်စခန်းကို KNLA၊ PDF ပူးပေါင်းတပ်များက တိုက်ခိုက်သိမ်းပိုက်ခဲ့သေးသည်။

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

သတင်း

နှစ်ပေါင်း ၂၇ နှစ်ကြာတပ်စွဲထားသည့် အဆိုပါ စခန်းကို မတိုက်ခိုက်ခင်ကတည်းက လက်နက်ချရန် အကြောင်းကြားခဲ့သော်လည်း လက်နက်ချခြင်းမရှိ၍ ယနေ့ (ဇွန်လ ၁၄ရက်)နံနက်တွင် ထိုးစစ်ဆင်ခဲ့ရာ နေ့လယ် ၁၂နာရီတွင် သိမ်းပိုက် နိုင်ခဲ့သည်ဟု ဆိုသည်။