သြဂုတ်လအတွင်း မြို့ပြပြောက်ကျားအဖွဲ့ဝင် ဖမ်းဆီးခံရမှု ခပ်စိပ်စိပ်ဖြစ်နေတဲ့ မန္တလေးမှာ စစ်ကောင်စီတပ်ဖွဲ့ဝင်တွေ ဒီနေ့ လည်း မြို့ပေါ်ရပ်ကွက်တွေမှာ ခြေရှုပ်နေတယ်လို့ ဒေသခံတွေဆီက သိရပါတယ်။
အသွားအလားများတဲ့ ကျုံးဘေးပတ်ပတ်လည်မှာ စစ်ကောင်စီတပ်ဖွဲ့ဝင်တွေ အစစ်အဆေးကြမ်းနေသလို ၊ ဓာတ်ပုံတွေနဲ့ တိုက်ဆိုင်စစ်ဆေးနေတာမျိုးတောင် ရှိနေတယ်လို့ ဒေသခံအချို့က ပြောကြပါတယ်။
“မသင်္ကာတဲ့သူတွေကို ခေါ်စစ်တာ ၊ဆိုင်ကယ်Tool box စစ်တာ လုပ်နေတာ ၊အဖွဲ့လိုက်ကိုပိတ်စစ်နေတာ”လို့ ဒေသခံတစ်ဦးကပြောပါတယ်။
ကျုံးဘေးတလျောက် ၊ မြို့ပတ်လမ်းအပါအဝင် အဓိကျတဲ့နေရာအချို့မှာ ပိတ်ဆို့စစ်ဆေးတာတွေလုပ်သလို စစ်ကားတွေနဲ့ ကင်းလှည့်တာကိုလည်းအင်အားတိုး လုပ်ဆောင်နေတယ်လို့သိရပါတယ်။
Public Service Announcement
