Connect with us

Hi, what are you looking for?

LuduNwayOo

သတင်း

မန္တလေးမြို့မှ ဟိုတယ်ဝန်ထမ်းဇနီးမောင်နှံအား မှားယွင်းပစ်တ်ခတ်မှုအပေါ် Tiger Force ပြောက်ကျားတပ်ဖွဲ့ ဝန်ချတောင်းပန်

“Scout Team ၏အားနည်းချက်အမှားကြောင့် မရည်ရွယ်ဘဲ မှားယွင်းပစ်ခတ်မိသဖြင့် အင်မတန်စိတ်မကောင်းဖြစ်ရပါသည်”ဟု Tiger Force Mandalay က ဆိုသည်။

မန္တလေးမြို့မှ ဟိုတယ်ဝန်ထမ်းဇနီးမောင်နှံအား မှားယွင်းပစ်တ်ခတ်မှုအပေါ် Tiger Force ပြောက်ကျားတပ်ဖွဲ့ ဝန်ချတောင်းပန်
မန္တလေးမြို့မှ ဟိုတယ်ဝန်ထမ်းဇနီးမောင်နှံအား မှားယွင်းပစ်တ်ခတ်မှုအပေါ် Tiger Force ပြောက်ကျားတပ်ဖွဲ့ ဝန်ချတောင်းပန်

▪️နောင်တချိန်အပြစ်အတွက် ခံယူသွားမည်ဟု ကတိပြု

မန္တလေးမြို့တွင် ယမန်နေ့က ဖြစ်ပွားခဲ့သော CID ရဲမှူးနှင့် မှားယွင်းပစ်တ်မိသည့် ဟိုတယ်ဝန်ထမ်းဇနီးမောင်းနှံဖြစ်စဥ်အပေါ် သက်ဆိုင်သူမိသားစုနှင့် ပြည်သူများအား အနူးအညွတ်တောင်းပန်ကြောင်း Tiger Force Mandalay ပြောက်ကျားတပ်ဖွဲ့က ယနေ့(သြဂုတ် ၂၄)တွင် ထုတ်ပြန်သည်။

၎င်းတို့သည် တပ်တွင်းသတင်းရင်းမြစ်၏ သတင်းပေးပို့မှုအရ CID ရဲမှူး စိုးကိုကိုဆိုသူ၏ ဆိုင်ကယ်နံပါတ်၊ လူ ပုံစံ၊ ယူနီဖောင်းနှင်ပုံ၊ အိမ်အဝင်အထွက်စသည့်တို့ကို အတည်ပြုရန် Scout Team မှ စုံစမ်းခဲ့ရာ ထိုအချက်အလက် များနှင့် ကိုက်ညီ၍ စစ်ရေးတိုက်ခိုက်မှုလုပ်ဆောင်ခဲ့ရာ အထက်ပါ ဟိုတယ်ဝန်ထမ်းဇနီးမောင်နှံအား မှားယွင်းပစ်ခတ်မိခြင်းဖြစ်ကြောင်း ဖော်ပြသည်။

“Scout Team ၏အားနည်းချက်အမှားကြောင့် မရည်ရွယ်ဘဲ မှားယွင်းပစ်ခတ်မိသဖြင့် အင်မတန်စိတ်မကောင်းဖြစ်ရပါသည်”ဟု Tiger Force Mandalay က ဆိုသည်။

ထို့အပြင် အထက်ပါမှားယွင်းပစ်ခတ်မှုဖြစ်စဥ်အနီးတွင် CID ရဲမှူး စိုးကိုကိုဆိုသူလည်း ရပ်ကြည့်နေခဲ့ပြီး စစ်ရေးတိုက်ခိုက်မှုလုပ်ဆောင်သည့် သြဂုတ် ၂၃ ရက်ကတည်းက မိသားစုနှင့်အဆက် အသွယ်ပြတ်သွားသည်ဟုကြား သိရပြီး ယင်းဖြစ်စဥ်အား ဆက်လက်စုံစမ်းနေကြောင်း အသိပေးသည်။

Public Service Announcement

Public Service Announcement

အထက်ပါမှားယွင်းပစ်ခတ်မှုဖြစ်စဥ်သည် Tiger Force တပ်ဖွဲ့မှ Scout Team ၏အားနည်းချက်အမှားသာဖြစ်ပြီး မန္တလေးမြို့ရှိ မည်သည့်တော်လှန်ရေးအဖွဲ့အစည်းနှင့်မျှ သက်ဆိုင်ခြင်းမရှိကြောင်း ဖော်ပြသည်။

ထို့ကြောင့် ၎င်းတို့အနေဖြင့် တချိန်ချိန်ကျလျင် ဖြစ်စဥ်မှကန်ပါက Tiger Force အနေဖြင့် ထိုအပြစ်အတွက် ခံယူသွားမည်ဟု ပြည်သူလူထုအား ကတိပြုထားသည်။

ယမန်နေ့ သြဂုတ် ၂၃ ရက်မနက်ပိုင်းက မန္တလေးမြို့ ချမ်းအေးသာဇံမြို့နယ် လမ်း ၃၀ × ၅၇ လမ်းထောင့်ရှိ Grand Mandalay ဆေးရုံရှေ့နားတွင် အွန်လိုင်းမှစျေးရောင်သူအမျိုးသားတစ်ဦးနှင့် ၎င်း၏ဇနီးဟိုတယ်ဝန်ထမ်းဖြစ်သူတို့အား CID ရဲမှူး စိုးကိုကိုဟုယူဆကာ မှားယွင်းပစ်ခတ်မှုဖြစ်ပွားခဲ့ရာ ပစ်ခတ်ခံရသည့် ဇနီးမောင်နှံတွင် ရှစ်နှစ်အရွယ်ကလေးတစ်ဦး ကျန်ရစ်ခဲ့သည်။

ဆက်စပ်သတင်းများ

သတင်း

မြေပြင်တွင် AA တပ်ဖွဲ့ဝင်အများအပြားက နယ်မြေစိုးမိုးထားပြီး ဂေါ့ကျေးရွာတောင်ပေါ်စခန်းတွင် တပ်စွဲထားသည့်စစ်ကောင်စီတပ်ဖွဲ့ဝင်များ ဇွန် ၃ ရက်နေ့လယ်ပိုင်း၌ ဆုတ်ခွာထွက်​ပြေးသွားကြောင်း သတင်းရရှိသည်။

သတင်း

လွယ်ဂျယ်မြို့ကို ဝိုင်းထားပြီး စစ်ကောင်စီ လက်အောက်ခံ တပ်ဖွဲ့နှင့် ဝန်ထမ်းများထွက်ခွာခွင့်ကို ယနေ့ ၁ ရက်အချိန်ပေးထားသည်ဟု သိရသည်။

သတင်း

စစ်မှုထမ်းဖို့လူသစ်စုရာမှာအမျိုးသမီးတွေကိုဦးစားပေးခေါ်ယူမှာမဟုတ်ဘဲ အသက် ၁၈ နှစ်ကနေ ၃၅နှစ်ကြား လူငယ်အမျိုးသားတွေကို ခေါ်ယူမှာပါ။

သတင်း

လွိုင်ကော်တက္ကသိုလ်မှ ကယ်တင်ခေါ်ထုတ်လာခဲ့သည့် Non-CDM ဝန်ထမ်းနှင့် ၎င်းတို့၏ မိသားစုဝင်များကို Non-CDM ဆိုင်ရာ အထူးစုံစမ်းစစ်ဆေးရေးအဖွဲ့ ဖွဲ့စည်းကာ စုံစမ်းစစ်ဆေးမှုများ ဖြင့် စိစစ်ဆောင်ရွက်ခဲ့ကြောင်း ကရင်နီပြည် ကြားကာလ အုပ်ချုပ်ရေးကောင်စီ(IEC)က ကနဦး အသိပေးသည်။