ချင်းပြည်နယ် မင်းတပ်မြို့နယ် တိုက်နယ်အမှတ်(၂) ဒေသအတွင်းရှိ စစ်ကောင်စီလက်အောက်ခံ ဝန်ထမ်းများအားလုံး စက်တင်ဘာ ၄ရက် နောက်ဆုံးထား၍ ဒေသတွင်းမှ အလိုက်တသိအပြီးပိုင် ထွက်ခွာကြရန် မင်းတပ်မြို့နယ် တိုက်နယ်အမှတ်(၂) ပြည်သူ့အုပ်ချုပ်ရေးအဖွဲ့(ပအဖ)က ယနေ့ သတိပေးထုတ်ပြန်သည်။
မင်းတပ်(ပအဖ)အနေဖြင့် CDM ဝင်ရောက်ကြရေး လေးကြိမ်တိုင်တိုင် ထုတ်ပြန်ခဲ့ပြီး ဩဂုတ် ၁၅ရက် နောက်ဆုံးထား၍ ပြည်သူ့ဝန်ထမ်းများ CDM ဝန်ရောက်ကြရန် ထုတ်ပြန်ထားကြောင်းဖော်ပြထားသည်။
သို့သော် ဩဂုတ် ၂၀ရက်က ပြုလုပ်သည့် မြို့နယ်(ပအဖ)၊ မင်းတပ်ချင်းကာကွယ်ရေးတပ်(CDF)၊ မြို့နယ် ပညာရေးဘုတ်အဖွဲ့နှင့် MUSUအဖွဲ့တို့၏ အစည်းအဝေးဆုံးဖြတ်ချက်အရ အရေးယူဆောင်ရွက်တော့မည်ဖြစ်ကြောင်း အသိပေးသည်။
ထို့ကြောင့် တိုက်နယ်အမှတ်(၂) ပြည်သူ့အုပ်ချုပ်ရေးအဖွဲ့နှင့် တိုက်နယ်အမှတ်(၂) ဒေသကာကွယ်ရေးတပ်ဖွဲ့၏ ထိန်းချုပ်နယ်မြေအတွင်းရှိ Non- CDM ဝန်ထမ်းများ အနေဖြင့် စက်တင်ဘာ ၄ရက် နောက်ဆုံးထား၍ ထွက်ခွာရန် အသိပေးလိုက်ခြင်းဖြစ်ကြောင်း ထုတ်ပြန်ခဲ့သည်။
Public Service Announcement
