မင်းတပ်တွင် လူငယ်တစ်ဦးကိုလက်ကိုင်ဖုန်းအတွင်း သေနတ်ပုံရှိနေသည်ဟုဆိုကာစစ်ကောင်စီတပ်ကဖမ်းဆီးခဲ့သည်။
လမ်းသွားလမ်းလာ လူငယ်တစ်ဦးကို မင်းတပ်မြို့(၃)မိုင် ဂိတ်တွင် သြဂုတ် ၂၆ရက်က ဖမ်းဆီးသွားခြင်းဖြစ်သည်။ ယင်းလူငယ်၏ ပါးစပ်အတွင်း သေနတ်ပြောင်းဝတေ့ကာ ခြိမ်းခြောက်ဖမ်းဆီးသွားခြင်းဟုCDF မင်းတပ်ပြန်ကြားရေးမှ အသိပေး ထားသည်။
“ဖုန်းထဲတွင် သေနတ်ပုံ ပါရှိနေသောကြောင့်အဖမ်းခံရတာလို့သိရပါတယ် ” ဟုမင်းတပ်ပြန်ကြားရေးဌာနမှဟာကလေးက လူမှုကွန်ရက်မှတစ်ဆင့် အသိပေးသည်။
သြဂုတ်လ ၂၇ရက်ညနေကနောက်ဆုံးသိရသည့်အခြေအနေအရ မင်းတပ်မြို့ ၂၇၄ တပ်ရင်းထဲတွင် နှိပ်စက်မေးမြန်းနေဆဲဟု ဟာကလေးကဆက်လက်ရေးသားထားသည်။
လွန်ခဲ့သည့် ရက်အနည်းငယ်ကလည်းမင်းတပ်မြို့ပြည်သူ့အုပ်ချုပ်ရေးပညာရေးဘုတ်အဖွဲ့သင်တန်း မှတ်တမ်းများရှိသည့် ဖုန်းကိုင်ဆောင်သူတစ်ဦးကို စစ်ကောင်စီဖမ်းဆီးခဲ့သည်။ ထို့ကြောင့် သင်တန်းတက်ခဲ့သော ဆရာ၊ဆရာမများ သတိပြုနေထိုင်ကြရန် CDF မင်းတပ်က သတ်ိပေးချက်ထုတ်ပြန်ထားသည်။