Connect with us

Hi, what are you looking for?

LuduNwayOo

သတင်း

လက်နက်အပြည့်အစုံဖြင့် CDM ဝင်ရောက်လာသော ရဲတပ်သားအား ကျပ်သိန်း(၇၀)ပေးအပ်ပြီး အခမ်းအနားဖြင့် ဂုဏ်ပြု

CDM များကိုဆက်လက်ကြိုဆိုသွားမည်ဖြစ်ပြီး လက်နက်အပြည့်အစုံပါရှိမှုပေါ်မူတည်၍ ထိုက် တန်စွာ ဂုဏ်ပြုပေးသွားမည်ဟုလည်း ၎င်းက ဆိုသည်။

ဓာတ်ပုံ - The Youth Force (Saw&Kyaukhtu)
ဓာတ်ပုံ - The Youth Force (Saw&Kyaukhtu)

လက်နက်အပြည့်အစုံဖြင့် CDM ဝင်ရောက်လာသော ရဲတပ်သားအား ကျပ်သိန်း (၇၀)ပေးအပ်ပြီး အခမ်းအနားဖြင့် ဂုဏ်ပြုပေးခဲ့ကြောင်း The Youth Force (Saw & Kyaukhtu)က ယနေ့ (စက်တင်ဘာ ၁ ရက်) ထုတ်ပြန်သည်။

ဆောမြို့ ရဲစခန်းမှ ရဲတပ်သား ကိုဉာဏ်မင်းသည် ဗုံးသီး (၄) လုံး ၊ ကျည် (၃၀၀) တောင့် ၊ G3 တစ်လက် ၊ ကျည်ဘောက် (၂)ခုဖြင့် The Youth Force (Saw&Kyaukhtu) ထံသို့ ယမန်နေ့က ဝင်ရောက်ခိုလှုံလာခြင်း ဖြစ်သည်။

“အခု CDM ရဲတစ်ယောက်အပါအဝင် ကျွန်တော်တို့တပ်ဖွဲ့ထဲကို စုစုပေါင်း CDM လုပ်လာတဲ့ စစ်သားနဲ့ရဲ ၁၀ဦးကျော်ရှိပြီ”ဟု The Youth Force (Saw&Kyaukhtu) တာဝန်ရှိသူက လူထုနွေဦးသို့ ပြောသည်။

CDM များကိုဆက်လက်ကြိုဆိုသွားမည်ဖြစ်ပြီး လက်နက်အပြည့်အစုံပါရှိမှုပေါ်မူတည်၍ ထိုက် တန်စွာ ဂုဏ်ပြုပေးသွားမည်ဟုလည်း ၎င်းက ဆိုသည်။

၎င်းသည် ရဲတပ်သားတာဝန်ကို ၂၀၁၇ ဇူလိုင် ၁၃ရက်တွင် စတင်ထမ်းဆောင်ခဲ့သူ ဖြစ်ကြောင်း အသိပေးသည်။

The Youth Force (Saw & Kyaukhtu) မှ ဂုဏ်ပြုငွေ ကျပ်သိန်း (၇၀) ဖြင့်ခမ်းနားစွာဂုဏ်ပြုပေးခဲ့ကြောင်း ထုတ်ပြန်ချက်၌ ဖော်ပြသည်။

You May Also Like

သတင်း

အကြမ်းမဖက် အာဏာဖီဆန်ရေးလှုပ်ရှားမှုတွင် ပါဝင်သူ (CDM)၊ မပါဝင်သူ (Non-CDM) များနှင့် ပတ်သက်၍ DPNS ၏ သဘောထားကို ကြေညာခဲ့ခြင်းဖြစ်သည်။

သတင်း

ဇန်နဝါရီ ၂၅ ရက်ကလည်း ယမ်းချက်ရင်း မတော်တဆဖြစ်ကာ ရဲဘော်တစ်ဦး မီးလောင်ဒဏ်ရာပြင်းထန်ပြီး တစ်ဦးမှာ လက်နှင့်မျက်နှာ အနည်းငယ်ထိခိုက်ခဲ့ကြောင်းသိရသည်။

သတင်း

ပြည်ထောင်စုလွှတ်တော် ပဉ္စမအကြိမ်အစည်းအဝေးသို့ နိုင်ငံတော်အကြီးအကဲများ၊ နိုင်ငံတကာ ပါလီမန်များနှင့် အဖွဲ့အစည်းများမှ ခေါင်းဆောင်များက မိန့် ခွန်းပြောကြားခဲ့သည်။

သတင်း

ဖြစ်စဥ်အရ ဇန်နဝါရီ ၃၀ ရက် ညနေ ၆နာရီ ၁၅ မိနစ်ခန့်တွင် ခလရ (၂၇၄)တပ်ရင်းမှ ထိုးစစ်ဆင် လာသည့် စစ်ကောင်စီတပ်သားများထဲမှ တပ်သားတစ်ဦးသည် ဂန့်ဂေါခရိုင်တပ်ရင်း (၈) ကင်းပုန်းဝပ်နေသော နေရာသို့ နယ်ကျွံလာခဲ့ခြင်းဟု ဆိုသည်။