Connect with us

Hi, what are you looking for?

သတင်း

ချောင်းဦးမှ မုံရွာသို့ ထွက်ခွာလာသည့် စစ်ကောင်စီ၏ အံစာတုံးယာဉ်သုံးစီး မိုင်းထိ

ထိုစစ်ဆင်ရေးအား မုံရွာမြို့နယ်ပြည်သူ့ကာကွယ်ရေးတပ်ဖွဲ့(ပ.က.ဖ)နှင့်အတူ ဆောင်ရွက်ခဲ့ခြင်းဖြစ်ပြီး မဟာမိတ်ရဲဘော်များ အထိအခိုက်မရှိ ဆုတ်ခွာနိုင်ခဲ့ကြောင်း SpecialForces-11(PDF)က အသိပေးသည်။

(စစ်ကောင်စီတပ်သားများ လိုက်ပါလာသည့် ယာဉ်တစ်စီးအား တွေ့ရစဉ်)
(စစ်ကောင်စီတပ်သားများ လိုက်ပါလာသည့် ယာဉ်တစ်စီးအား တွေ့ရစဉ်)

စစ်ကိုင်းတိုင်း၊ မုံရွာ – မန္တလေးလမ်းပိုင်းတွင် ချောင်းဦးမှ မုံရွာမြို့သို့ထွက်ခွာလာသော စစ်ကောင်စီအဖွဲ့များလိုက်ပါလာသည့် အံစာတုံးယာဉ်သုံးစီး မိုင်းဆွဲတိုက်ခိုက်ခံရပြီး စစ်ကောင်စီတပ်သားအချို့ ထိခိုက်မှုများ ရှိနိုင်ကြောင်း ဒေသတွင်း သတင်းရင်းမြစ်များက ပြောသည်။

ယမန်နေ့(စက်တင်ဘာ၂ ရက်) ညနေ ၆နာရီ ၁၅မိနစ် ဝန်းကျင်က မုံရွာ – မန္တလေးလမ်းမကြီး၏ ချောင်းဦး-မုံရွာ လမ်းပိုင်းတစ်နေရာတွင် ချောင်းဦးမြို့ဘက်မှ စစ်ကောင်စီတပ်ဖွဲ့ လိုက်ပါလာသော အံစာတုံးယာဉ်သုံးစီး မုံရွာမြို့ဘက်သို့ ထွက်လာခဲ့သည်။

ထိုအံစာတုံးကား သုံးစီးအနက် ဒုတိယမြောက်အစီးအား ပဒေသာမိုင်း(၃)လုံးဖြင့် မိုင်းဆွဲတိုက်ခိုက်ခဲ့ရာ အကြမ်းစစ်ကောင်စီတပ်သား သုံးဦး နေရာတွင် ပွဲချင်းပြီးသေဆုံး၍ စစ်သားနှစ်ဦး ဒဏ်ရာအပြင်းအထန်ဖြင့် သေဆုံးနိုင်ခြေများကြောင်း Special Forces-11(PDF)က သတင်းထုတ်ပြန်သည်။

Public Service Announcement
Public Service Announcement

အခြားစစ်ကောင်စီတပ်သားများလည်း ဒဏ်ရာအပြင်းအထန် ရရှိသွားခဲ့ပြီး မိုင်းထိထားသော ကားတစ်စီးသည် မုံရွာမြို့ဘက်သို့ ဆက်မထွက်နိုင်တော့ဘဲ နေရာတွင် ရပ်တန့်ထားခဲ့ကြောင်း၊ ၎င်းနောက်မှ လိုက်ပါလာသော ကားအတွင်းမှ စစ်သားများသည် ပတ်ဝန်းကျင်အား ရမ်းသမ်း ပစ်ခတ်သွားကြောင်း Special Forces-11(PDF)က အသိပေးသည်။

Public Service Announcement

Public Service Announcement

ထိုစစ်ဆင်ရေးအား မုံရွာမြို့နယ်ပြည်သူ့ကာကွယ်ရေးတပ်ဖွဲ့(ပ.က.ဖ)နှင့်အတူ ဆောင်ရွက်ခဲ့ခြင်းဖြစ်ပြီး မဟာမိတ်ရဲဘော်များ အထိအခိုက်မရှိ ဆုတ်ခွာနိုင်ခဲ့ကြောင်း SpecialForces-11(PDF)က အသိပေးသည်။

ယမန်နေ့ညနေပိုင်းကလည်း မုံရွာ-မန္တလေးလမ်းပေါ်တွင် စစ်ကောင်စီယာဥ်တန်း တိုက်ခိုက်ခံခဲ့ရပြီး ထိခိုက်မှုများရှိခဲ့သည်။

ဆက်စပ်သတင်းများ

သတင်း

မန္တလေး-မုံရွာလမ်းပိုင်းကုန်ကားတွေကို စစ်တပ်က တရားမဝင် ငွေတောင်းခံမှု သိန်းဂဏန်းတွေအထိ တိုးတောင်းလာတာကြောင့် ကုန်ကားသမားတွေ ပိုပြီးအခက်အခဲ တွေ့နေရတယ်လို့ ယာဉ်မောင်းတွေက ပြောပါတယ်။

သတင်း

စစ်ကိုင်းတိုင်း၊ ချောင်းဦးမြို့နယ် တောကျောင်းလေးကျေးရွာက ရွှေဝါရောင်ဆရာတော်ရဲ့ကျောင်းမှာ သံဃာတွေ ပဋ္ဌာန်းပွဲ ပြုလုပ်နေချိန် အာဏာသိမ်းစစ်တပ်က အသေခံဒရုန်းနဲ့ ဗုံးကြဲတိုက်ခိုက်လို့ သံဃာ ၁ပါး ဒဏ်ရာရပြီး ကျောင်းဆောင်ပျက်စီးသွားခဲ့ကြောင်း ဒေသခံတွေက ပြောပါတယ်။

သတင်း

စစ်ကိုင်းတိုင်း၊ မုံရွာမြို့​က သီတင်းကျွတ်ဘုရားကြီးပွဲလာသူအချို့ရဲ့ ဆိုင်ကယ်နဲ့ သုံးဘီးဆိုက်တွဲတွေ ပျောက်ဆုံးခဲ့ကြောင်း ဒေသခံတွေက ပြောပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်