အဆိုပါ စစ်ကောင်စီတပ် မိုင်းဆွဲခံရပြီး ထိခိုက် သေဆုံးမှုရှိ
အဆိုပါ စစ်ကောင်စီတပ် မိုင်းဆွဲခံရပြီး ထိခိုက် သေဆုံးမှုရှိစစ်ကိုင်းတိုင်း၊ မြောင်မြို့နယ်တွင် ဒေသခံ ပြည်သူနှစ်ဦးကို သတ်ဖြတ်ကာ ဆိုင်ကယ်များအား မီးရှို့ဖျက်ဆီးသွားသည့် စစ်ကောင်စီတပ် မိုင်းဆွဲတိုက်ခိုက်ခံရပြီး ထိခိုက်သေဆုံးမှုများရှိကြောင်း ဒေသတွင်း ပြည်သူ့ကာကွယ်ရေးအဖွဲ့များက ပြောသည်။
သြဂုတ် ၃၁ ရက်က မြောင်မြို့နယ်ကျောက်ရစ် ကျေးရွာမှ ထွက်ခွာလာသော စစ်ကောင်စီစစ် ကြောင်းသည် ည ၁၀နာရီခွဲ အချိန်က သနပ်ကုန်းကျေးရွာမှ စစ်ဘေးရှောင်ပြည်သူတစ်ဦးအား သတ်ဖြတ်ပြီး ၎င်းတို့၏ အကြမ်းဖက်ပစ်ခတ်မှုများကြောင့် ဒေသခံပြည်သူလေးဦး ပြင်းထန်စွာ ထိခိုက်ဒဏ်ရာရရှိသွားကြောင်း ကျေးရွာတပ်ပေါင်းစု(Myaung)က ထုတ်ပြန်သည်။
အဆိုပါ စစ်ကောင်စီတပ်များသည်စက်တင်ဘာ ၁ ရက် ညနေ ၅နာရီခန့်တွင် မြစ်သာကျေးရွာကို စီးနင်းဝင်ရောက်ရန် တိတ်တဆိတ်ချဥ်းကပ်ခဲ့ကြောင်း၊ ၎င်းစစ်ကောင်စီတပ်များကို ရှေ့ထွက်မိုင်းကြီးဖြင့် တိုက်ခိုက်ခဲ့ရာ စစ်သားတစ်ဦးမှာ နေရာတွင်ပင် ပွဲခြင်းပြီး သေဆုံးခဲ့ပြီး သုံးဦး ဒဏ်ရာပြင်းထန်စွာ ရရှိသွားကြောင်း ကျေးရွာတပ်ပေါင်းစု(Myaung)က အသိပေးသည်။
အဆိုပါ သုံးဦးအနက် စစ်ကောင်စီတပ်သားတစ် ဦးသည် ရရှိသွားသော ဒဏ်ရာများဖြင့် မြစ်ဆုံကျေးရွာအဝင်တွင် သေဆုံးသွားခဲ့သည်ဟု ဆိုသည်။
Public Service Announcement
စစ်ကောင်စီတပ်များသည် မြစ်သာကျေးရွာမှ ပြည်သူတစ်ဦးကို ဖမ်းဆီးနှိပ်စက်သတ်ဖြတ်ခဲ့ပြီး ရဲဘော်များ၏ ဆိုင်ကယ် ၇စီး၊ စက်ဘီး ၄စီး၊ ပျမ်းမျှတန်ဖိုး ကျပ်သိန်း၃၀ကျော်ခန့် မီးရှို့ဖျက် ဆီးခံခဲ့ရကြောင်း ကျေးရွာတပ်ပေါင်းစု (Myaung)က ထပ်မံအသိပေးသည်။
အဆိုပါ စစ်ဆင်ရေးအား ကျေးရွာတပ်ပေါင်းစု(Myaung)၊ 27 Revolution Force၊ မြေလတ် PDF၊ TTA ပြောက်ကျားတပ်၊ 7 People Defence Force တို့က ပူးပေါင်းတိိုက်ခိုက်ခဲ့ကြောင်း သိရသည်။
