ကရင်အမျိုးသားအစည်းအရုံး(KNU) ဖာပွန်(မူတြော်) ခရိုင်အတွင်း၌ ဩဂုတ်အတွင်းက တိုက်ပွဲပေါင်း ၁၁၈ကြိမ်ဖြစ်ခဲ့ရာ စစ်ကောင်စီတပ်နှင့် ၎င်း၏ လက်အောက်ခံ နယ်ခြားစောင့်တပ်ဖွဲ့ (BGF) တို့ဘက်မှ တပ်ဖွဲ့ဝင် ၈၄ဦး သေဆုံးခဲ့ကြောင်း တပ်မဟာ(၅)က သတင်းထုတ်ပြန်သည်။
ထို့ပြင် စစ်ကောင်စီတပ်နှင့် BGF တပ်ဖွဲ့ဝင် ၄၇ဦး ဒဏ်ရာရရှိခဲ့ပြီး KNU လက်အောက်ခံ ကရင်အမျိုးသားလွတ်မြောက်ရေးတပ်မတော်(KNLA)ဘက်မှ တစ်ဦးကျဆုံးခဲ့ရသည်ဟု အသိပေးထားသည်။
KNLA အနေဖြင့် စစ်ကောင်စီ၏ ထောက်ပို့တံတား တစ်စင်းအား ဖြတ်တောက်ဖျက်ဆီးနိုင်ခဲ့ကြောင်းလည်း ဖော်ပြထားသည်။
ဩဂုတ်အတွင်း စစ်ကောင်စီတပ်က လေကြာင်းတိုက်ခိုက်မှု သုံးကြိမ်ပြုလုပ်ခဲ့၍ အရပ်သား တစ်ဦး သေဆုံးပြီး ငါးဦး ဒစ်ရာရခဲ့သည်ဟု ထုတ်ပြန်သည်။
Public Service Announcement
KNLA တပ်မဟာ(၅) နယ်မြေ၌ ဩဂုတ်လအတွင်းက စစ်ကောင်စီ လက်အောက်ခံတပ်စခန်း အချို့ကို တိုက်ခိုက်သိမ်းပိုက်ခဲ့ပြီး လက်နက်ခဲယမ်းများလည်းရရှိခဲ့သည်။
